నా ముఖంపై జిడ్డుదనం తగ్గాలంటే ఏం చేయాలి? - what is the remedy for my oily skin
close
Published : 04/09/2021 20:50 IST

నా ముఖంపై జిడ్డుదనం తగ్గాలంటే ఏం చేయాలి?

నా ముఖంపై ఎక్కువ నల్ల మచ్చలున్నాయి. ఎనిమిది నెలల క్రితం నాకు పొంగు చూపింది. అప్పటినుంచి ముఖం ఎప్పుడూ జిడ్డుగా కనిపిస్తుంది. దీనికి పరిష్కారం ఏమైనా ఉంటే చెప్పండి. - ఓ సోదరి

జ: పొంగు చూపిన తర్వాత మీ ముఖం ఎప్పుడూ జిడ్డుగా కనిపిస్తుందని రాశారు. అందుకే ముందుగా మీ ముఖంపై ఉండే జిడ్డును తొలగించుకోవడానికి సహజసిద్ధమైన ఫేస్‌ప్యాక్‌ వేసుకోవాలి. ఇందుకోసం అర టేబుల్‌స్పూన్‌ చొప్పున చందనం, ముల్తానీ మట్టి తీసుకొని.. ఈ రెండింటినీ రోజ్‌వాటర్‌లో కలుపుకుంటూ ప్యాక్‌లా తయారుచేసుకోవాలి. ఈ మిశ్రమాన్ని ముఖంపై అప్లై చేసుకొని పదిహేను నుంచి ఇరవై నిమిషాల పాటు అలాగే ఉంచుకోవాలి. ఆపై చల్లటి నీటితో కడిగేసుకోవాలి. ఇలా చేయడం వల్ల ముఖంపై ఉండే జిడ్డుదనం తొలగిపోతుంది.

అలాగే మీ ముఖంపై ఉన్న నల్ల మచ్చల్ని తొలగించుకోవడానికి మంచి నాణ్యమైన తేనె తీసుకోవాలి. దీన్ని నల్ల మచ్చలున్న చోట నేరుగా అప్లై చేసుకొని పదిహేను నుంచి ఇరవై నిమిషాల పాటు అలాగే ఉంచుకోవాలి. ఇలా రోజూ క్రమం తప్పకుండా చేయడం వల్ల ఆ నల్ల రంగు మచ్చలు తేనె రంగులోకి మారతాయి. ఆపై క్రమక్రమంగా చర్మ రంగులో కలిసిపోతాయి. అయితే ఈ మచ్చలు అంత త్వరగా తగ్గవు కాబట్టి.. ఓపిగ్గా నెల రోజుల పాటు క్రమం తప్పకుండా ఈ చిట్కా పాటిస్తే చక్కటి ఫలితం ఉంటుంది.



మరిన్ని

తమ్మూ బ్యూటీ సీక్రెట్స్ ఏంటో తెలుసా? 

ఉదయం లేవగానే కళ్లన్నీ వాచిపోయి, గాలిబుడగలా పఫ్ఫీగా తయారైన ముఖాన్ని చూసుకుంటే ఎక్కడలేని నిరుత్సాహం ఆవహిస్తుంది. ముందు రోజు పని ఒత్తిడి, నిద్రలేమి, తీసుకున్న ఆహారం.. తదితర కారణాల వల్ల ఈ సమస్య చాలామందిలో సహజమే! అయితే దీన్ని వదిలించుకోవాలంటే తానో సింపుల్‌ చిట్కాను పాటిస్తానంటోంది మిల్కీ బ్యూటీ తమన్నా. ఈ టిప్‌ అద్భుతంగా పనిచేస్తుందని స్వీయానుభవంతో చెబుతున్నానంటూ ఆ వీడియోను సైతం తాజాగా ఇన్‌స్టాలో పోస్ట్‌ చేసింది. ఇప్పుడనే కాదు.. సందర్భం వచ్చినప్పుడల్లా, సోషల్‌ మీడియాలో తన సౌందర్య రహస్యాల్ని పంచుకుంటూ అమ్మాయిలందరికీ బ్యూటీ పాఠాలు నేర్పుతుంటుంది తమ్మూ.

తరువాయి

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని