Dearvasuarticle News, Headlines, Breaking News, Articles
close
Published : 12/06/2021 07:29 IST
Facebook Share WhatsApp Share Telegram Share

మామగారి బాగోగులు చూసుకోవడానికి రమ్మంటున్నారు!

నాకు పదిహేడేళ్లప్పుడు పెళ్లయ్యింది. ఆర్థికంగా మా కుటుంబానికి చేయూతనిస్తానన్న హామీతో అత్తమామలు వాళ్ల కొడుకుతో పెళ్లిచేశారు. అతను వ్యసనపరుడనే విషయం కొద్దిరోజులకే తెలిసింది. పాప పుట్టాక కూడా నా భర్తలో మార్పు రాలేదు. ఆ బాధలు పడలేక బయటికి వచ్చేశా. పాపను మా అమ్మ పెంచుతోంది. నేనో చిన్న ఉద్యోగం చేస్తున్నా. నా కూతురి చదువు కోసం రెండేళ్ల క్రితం మామగారిని సాయం కోరినా పట్టించుకోలేదు. ఈ మధ్య మా అత్త చనిపోయింది. అప్పటి నుంచి మావారు.. మామగారి బాగోగులు చూసుకోవడానికి నన్ను రప్పించమని బంధువుల ద్వారా ఒత్తిడి చేస్తున్నారు. అందుకు నా మనసు ఒప్పుకోవడం లేదు. నేనేం చేయాలి?

- ఓ సోదరి

మైనార్టీ తీరకుండా చేసిన ఏ పెళ్లీ చెల్లదు. కానీ ఇప్పటిదాకా మీరు ఆ విషయంపై కోర్టుకి వెళ్లలేదు కాబట్టి దాన్ని చట్టబద్ధ వ్యవహారం కిందే లెక్కిస్తారు. మీ భర్త గృహహింసకు గురిచేసినా అతని మీద మీరు ఎలాంటి చర్యా తీసుకోలేదు. ఆ కారణంతోనే వారి అవసరాలకు అనుగుణంగా మీపై సర్దుబాటు చేసుకోమంటూ, కాపురం చేయమంటూ ఒత్తిడి చేస్తున్నారు. ఇక మీ పెళ్లికి ముందు మీ అత్తింటి వారు... పుట్టింటివారికి ఆర్థికంగా సాయపడతామని ఇచ్చిన హామీలేవీ చెల్లవు. అయితే ఆ ఒప్పందాలకు ఆధారాలు ఉన్నాయా...అన్నది గమనించుకోండి. అప్పట్లో ఎక్కడైనా రాసుకుని ఉంటే... దాన్ని చూపించి మోసపూరిత పెళ్లి చేసుకున్నారనే అభియోగంతో విడాకులకు దరఖాస్తు చేసుకోవచ్చు. గృహహింస నిరోధక చట్టం కింద మెయింటెనెన్స్‌, పరిహారం, పాప చదువు ఖర్చు లాంటివి అడగొచ్చు. సీఆర్‌పీసీ సెక్షన్‌- 123 ప్రకారం మెయింటెనెన్స్‌ కోసం క్రిమినల్‌ లేదా ఫ్యామిలీ కోర్టులో దావా వేయవచ్చు. ఇవి రెండూ వేర్వేరు చట్టాల ఆధారంగా పని చేస్తాయి. మీ అనుకూలతను బట్టి చేయండి. దేనికైనా మీ వారి సంపాదన, మామగారి ఆస్తి వంటి వాటికి రుజువులు అవసరం. విడాకుల కోసం ప్రయత్నిస్తే మిమ్మల్ని వచ్చి కాపురం చేయమని బలవంతం పెట్టే అవకాశం ఉండదు. హిందూ వివాహ చట్టంలోని సెక్షన్‌ 13 ప్రకారం విడాకులకు దరఖాస్తు చేసి, సెక్షన్‌ 25 ప్రకారం శాశ్వత భరణం కోసమూ ప్రయత్నించవచ్చు. ముందో మంచి లాయర్‌ని సంప్రదించండి.

మీ ప్రశ్న అడగండి

ధన్యవాదాలు, త్వరలో నిపుణులు మీ సందేహాన్ని నివృత్తి చేస్తారు

మరిన్ని

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని