పదేళ్లుగా మచ్చ అలాగే ఉంది..!

డియర్ వసుంధర

పదేళ్లుగా మచ్చ అలాగే ఉంది..!

నా వయసు 40. కాలి మీద ముదురు గోధుమ రంగులో మచ్చ వచ్చింది. అది గత పదేళ్లుగా అలాగే ఉంది. ఎప్పుడైనా దురద వస్తుంది తప్ప మరే విధమైన ఇబ్బందీ లేదు. దీనివల్ల ఏమైనా ప్రమాదమా? - ఓ సోదరి
ఇలాంటి మచ్చలు రావడానికి రకరకాల కారణాలుంటాయి. ఇది చాలా సాధారణంగా వచ్చే సమస్య. మీరు చెప్పిన లక్షణాలను బట్టి చూస్తే ఇది ఎటోపిక్‌ డెర్మటైటిస్‌ అని అర్థమవుతోంది. వంశపారంపర్యం, చర్మం పొడిబారటం, వ్యాధినిరోధకశక్తి తగ్గడం వల్ల కూడా ఇలా వస్తుంది. అలాగే ఎగ్జిమా వల్ల కూడా ఇలాంటి మచ్చలు రావచ్చు. అయితే దీంట్లో దురద ఎక్కువగా ఉంటుంది. న్యూరో డెర్మటైటిస్‌లో ఒత్తిడి వల్ల మచ్చలు వస్తాయి.
జాగ్రత్తలు: చర్మ సంరక్షణ చాలా ముఖ్యం. వీలున్నంత వరకు సబ్బు వాడకపోవడమే మంచిది. బాగా వేడిగా ఉండే నీళ్లతో స్నానం చేయకూడదు. గోరువెచ్చని నీళ్లతో ఎక్కువసేపు నానకుండా త్వరగా స్నానం చేయాలి. కొబ్బరి నూనె, వైట్‌ పెట్రోలియం జెల్లీలను మార్చి మార్చి రాయాలి. అలాగే గాఢత ఎక్కువగా ఉండే సబ్బులు వాడకూడదు. బాగా దురదగా ఉన్నప్పుడు కార్టికోస్టెరైడ్‌ క్రీమ్‌లు రాయొచ్చు. అయితే తగ్గిన వెంటనే వాటిని వాడటం మానేయాలి. దురద మరీ ఎక్కువగా ఉంటే చన్నీటిలో వస్త్రాన్ని ముంచి దాన్ని మచ్చ మీద కాసేపు పెడితే ఉపశమనం ఉంటుంది. భరించలేనంత దురద ఉంటే ఫొటోథెరపీ చికిత్స తీసుకోవచ్చు. రోజూ పడుకునే ముందు మాయిశ్చరైజర్‌ రాయాలి. నీటితో పదేపదే కాళ్లను కడగకూడదు. ఏయే ఆహార పదార్థాల వల్ల దురద ఎక్కువవుతుందో గుర్తుంచుకుని వాటికి దూరంగా ఉండాలి. ఒత్తిడిని తగ్గించుకోవడానికి ధ్యానం చేయాలి. ఈ జాగ్రత్తలు తీసుకున్నా తగ్గకపోతే వైద్యులను సంప్రదించండి.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

డియర్ వసుంధర

మరిన్ని

రుచులు

App