TTD: తిరుమల ఎల్‌ఈడీ స్క్రీన్లపై సినిమా పాటలు ప్రసారం

తిరుమలలో ఎల్‌ఈడీ తెరపై సినిమా పాటల ప్రసారమవ్వడంపై భక్తులు విస్మయం చెందారు. తిరుమలలోని షాపింగ్‌ కాంప్లెక్స్‌ వద్ద తితిదే ఏర్పాటు చేసిన ఎల్‌ఈడీ తెరపై సాయంత్రం 5.45 నుంచి 6.15 వరకు సినిమా పాటలు ప్రసారమయ్యాయి. ఈ విషయంపై తితిదే అదనపు ఈవో ధర్మారెడ్డి స్పందించారు. సెట్‌ అప్‌ బాక్స్‌లో సాంకేతిక లోపంతో సినిమా పాటలు ప్రసారమయ్యాయని తెలిపారు. సిబ్బంది వెంటనే స్పందించి సమస్య పరిష్కరించినట్లు పేర్కొన్నారు.