Viral Video: రైతు ఆలోచన అదిరింది.. గొడుగు నీడన పనులు..

ఎండ నుంచి రక్షణ కోసం గొడుగులు ఏర్పాటు చేసి కూలీల పట్ల ఔదార్యాన్ని చాటుకున్నారు అనంతపురం జిల్లాకు చెెందిన రైతు. శింగనమల సమీపంలో శ్రీరాములు అనే రైతు చీని మొక్కలకు అంట్లు కట్టిస్తున్నారు. ఇందుకోసం యల్లనూరు మండలం కొత్తపల్లి నుంచి కూలీలను పిలిపించారు. ఎండలో కూలీల ఇబ్బందులను గమనించి వారి కోసం ఇలా గొడుగులు ఏర్పాటు చేశారు. వాటి కిందే కూర్చుని కార్మికులు మొక్కలకు అంట్లు కడుతున్నారు.