HDFC: ఒక్కొక్కరి అకౌంట్‌లో రూ.13 కోట్లు.. ఆశ్చర్యపోయిన ఖాతాదారులు

తమిళనాడు చెన్నైలోని ఓ హెచ్‌డీఎఫ్‌సీ బ్యాంకులో వంద మంది ఖాతాదారులు క్షణాల్లో కోటీశ్వరులుగా మారిపోయారు. చెన్నైలోని టి.నగర్ హెచ్‌డీఎఫ్‌సీ బ్యాంకుకు చెందిన 100 మంది ఖాతాల్లో ఒక్కొక్కరికి రూ.13 కోట్లు చొప్పున జమ అయ్యాయి. తమ మొబైల్ ఫోన్లకు వచ్చిన మెసేజ్‌లు చూసి వారు ఆశ్చర్యపోయారు.వారిలో కొంతమంది ఈ విషయాన్ని బ్యాంకు అధికారులకు తెలియజేశారు. బ్యాంకు సర్వర్  హ్యాకింగ్ కు గురయ్యిందా అనే కోణంలో పోలీసులు విచారణ చేపట్టారు.