Pakistan: కానిస్టేబుల్‌ పోస్టులకు.. పరీక్షా కేంద్రంగా క్రికెట్‌ స్టేడియం

పాకిస్థాన్‌లో నిరుద్యోగానికి అద్దం పట్టే దృశ్యాలు వెలుగులోకి వచ్చాయి. పోలీసు కానిస్టేబుల్ ఉద్యోగాలకు అభ్యర్థులు భారీగా వచ్చే అవకాశం ఉండటంతో... ప్రభుత్వం ఏకంగా ఓ క్రికెట్ స్టేడియాన్ని పరీక్ష కేంద్రంగా మార్చింది. 30 వేలకు పైగా అభ్యర్థులు స్టేడియానికి రావడంతో మైదానం కిక్కిరిసిపోయింది. దీనికి సంబంధించిన దృశ్యాలను అక్కడి వారు వీడియోలు, ఫొటోలు తీసి సామాజిక మాధ్యమాలలో పంచుకోగా... అవి వైరల్‌గా మారాయి.