Bandi Sanjay: ఆ 11 ఎకరాల్లో పేదలకు ఇళ్లు కట్టించాలి: బండి డిమాండ్‌

అతిచౌకకే ఓ సంస్థ పేరిట భారాస దక్కించుకున్న కోకాపేట్ ప్రాంతంలోని 11 ఎకరాల భూమి కేటాయింపు ఉత్తర్వులు రద్దు చేసే వరకు.. పోరాటం చేస్తామని భాజపా రాష్ట్ర అధ్యక్షుడు బండి సంజయ్ (Bandi Sanjay) స్పష్టం చేశారు. ఇందుకోసం ఆందోళనలు చేస్తామన్నారు. ఆదిలాబాద్‌లో జరిగిన ఎంపీ సోయం బాపురావు తనయుడు వెంకటేష్ వివాహానికి సంజయ్  హాజరయ్యారు. అనంతరం మీడియాతో మాట్లాడిన ఆయన..  భారాస తీసుకున్న 11 ఎకరాల భూమిలో పేదలకు రెండు పడక గదుల ఇళ్లు కట్టించి ఇవ్వాలని డిమాండ్ చేశారు.