YSRCP: అభివృద్ధి అడిగితే.. సచివాలయానికా?: వైకాపా ఎమ్మెల్యేకు నిరసన సెగ

ఏలూరు జిల్లా జంగారెడ్డిగూడెం మండలం శ్రీనివాసపురంలో ఎమ్మెల్యే ఎలీజా (MLA Eliza)కు నిరసన సెగ తగిలింది. ‘గడప గడపకు మన ప్రభుత్వం కార్యక్రమం’లో భాగంగా గ్రామానికి వచ్చిన ఎమ్మెల్యేను మోహన్ అనే యువకుడు.. గ్రామంలో ఏం అభివృద్ధి జరిగిందంటూ నిలదీశాడు. దీంతో ఎమ్మెల్యే.. ఏం అభివృద్ధి జరిగిందో సచివాలయంలో చూసుకోవాలని బదులిచ్చి అక్కడ నుంచి వెళ్లిపోయారు. అభివృద్ధి గురించి అడుగుతుంటే సచివాలయం వద్దకు వెళ్లమనడం ఏంటని ఆ యువకుడు ఎదురు ప్రశ్నించారు. ఈ క్రమంలో పోలీసులు జోక్యం చేసుకుని అతణ్ని అడ్డుకున్నారు.