Chandrababu: రైతన్నకు ఏటా ₹20 వేలు: చంద్రబాబు హామీ

‘భవిష్యత్తుకు గ్యారెంటీ’ పేరుతో ఎన్నికల మినీ మేనిఫెస్టోను తెదేపా (TDP) అధినేత చంద్రబాబు (Chandrababu) ప్రకటించారు. మహిళల కోసం ‘మహాశక్తి’ కార్యక్రమం చేపట్టనున్నట్లు వెల్లడించారు. దీనిలో భాగంగా ‘ఆడబిడ్డ నిధి’ కింద.. 18 నుంచి 59 ఏళ్ల మహిళలకు నెలకు రూ.1,500 ఇవ్వనున్నట్లు హామీ ఇచ్చారు. అలాగే ప్రతి ఇంటికీ ఏడాదికి 3 గ్యాస్‌ సిలిండర్లు ఉచితంగా.. మహిళలకు జిల్లా పరిధిలో ఆర్టీసీ బస్సులో ఉచిత ప్రయాణం కల్పిస్తామని చెప్పారు. ‘అమ్మకు వందనం’ కింద ప్రతి బిడ్డకు ఏటా రూ.15 వేల ఇస్తామని స్పష్టం చేశారు. అలాగే నిరుద్యోగికి నెలకు రూ.3000 ఇస్తామని ‘మహానాడు’ వేదికగా చంద్రబాబు వెల్లడించారు.