Polavaram: నన్నే అడ్డుకుంటారా..? రోడ్డుపై చంద్రబాబు బైఠాయింపు

పోలవరం వద్ద ఉద్రిక్తత చోటు చేసుకుంది. పోలవరం సందర్శనకు వెళ్లిన తెదేపా అధినేత చంద్రబాబు పోలీసులు అనుమతి నిరాకరించారు. దీంతో పోలవరం డ్యాంసైట్‌కు వెళ్లే మార్గంలో రోడ్డుపై చంద్రబాబు బైఠాయించారు. పోలీసుల తీరు పట్ల చంద్రబాబు మండిపడ్డారు. తాను పోలవరం ఎందుకు వెళ్లకూడదో లిఖిత పూర్వకంగా రాసివ్వాలని రోడ్డుపై బైఠాయించి నిరసన తెలిపారు. చీకటి జీవోలతో ప్రజలను మభ్య పెడుతున్నారని ఆగ్రహం వ్యక్తం చేశారు.