Adipurush: ‘ఆది పురుష్’ను ప్రతి కుటుంబం చూడాలి: చిలుకూరు ప్రధాన అర్చకులు

ప్రభాస్ నటించిన ‘ఆది పురుష్ (Adipurush)’.. ప్రేక్షకుల మనసులో రాముడి గొప్పతనాన్ని మరింత నింపుతుందని చిలుకూరు బాలాజీ ఆలయ ప్రధాన అర్చకులు రంగరాజన్ అన్నారు. చాలా ఏళ్ల తర్వాత తెరపై రామాయణ గాథ రాబోతుండటం ఆనందంగా ఉందన్న ఆయన.. దర్శక నిర్మాతల ప్రయత్నాన్ని ప్రత్యేకంగా అభినందించారు. ఆదిపురుష్ చిత్రాన్ని ప్రతి కుటుంబం చూడాలని విజ్ఞప్తి చేశారు. చిలుకూరు బాలాజీ వేంకటేశ్వరస్వామి ఆశీస్సులతో ‘ఆది పురుష్’ ఘన విజయాన్ని సాధిస్తుందని ఆశాభావం వ్యక్తం చేశారు.