CM KCR: పారిస్‌లో కరెంట్‌ పోవచ్చు కానీ.. హైదరాబాద్‌లో పోదు: సీఎం కేసీఆర్‌

హైదరాబాద్‌ను పవర్‌ ఐ ల్యాండ్‌గా మార్చామని సీఎం కేసీఆర్‌ ఉద్ఘాటించారు. న్యూయార్క్‌, లండన్‌, పారిస్‌లో కరెంట్‌ పోవచ్చు కానీ.. హైదరాబాద్‌లో మాత్రం పోదన్నారు. కాలుష్య రహితంగా మార్చడానికి మెట్రో చాలా అవసరమన్న ఆయన.. ఎయిర్‌పోర్టు వరకు మెట్రో ప్రాజెక్టుకు శంకుస్థాపన చేయడం సంతోషకరమన్నారు. ఈ మేరకు హైదరాబాద్‌ మైండ్‌స్పేస్‌ వద్ద ఎయిర్‌పోర్టు మెట్రోకు శంకుస్థాపన చేసిన అనంతరం.. అప్పా కూడలిలోని పోలీసు అకాడమీ మైదానంలో ఏర్పాటు చేసిన బహిరంగ సభలో కేసీఆర్‌ మాట్లాడారు.