Munugode Bypoll: తండ్రిని గుర్తు తెచ్చుకుంటూ.. పాల్వాయి స్రవంతి కంటతడి

మునుగోడు కాంగ్రెస్‌ అభ్యర్థి పాల్వాయి స్రవంతి భావోద్వేగానికి గురయ్యారు. న్యామినేషన్‌ తర్వాత నిర్వహించిన ర్యాలీలో ఆమె తన తండ్రిని గుర్తు తెచ్చుకుంటూ.. కంటతడి పెట్టుకున్నారు. ‘ఈరోజు నాన్నలేని లోటు నాకు తెలుస్తుంది. ఇక్కడ ఉన్న మీరందరూ నా తోబుట్టువులై, నా తండ్రి స్థానం తీసుకుని, నాతోపాటు నడవాలని నా చేతులు చాచి, నా కొంగు చాచి అడుగుతున్నా..  మీ ఒక్క ఓటు ఈసారి ఎన్నికల్లో నాకే వేయాలి ’ అంటూ గద్గదస్వరంతో కోరారు.