Tirumala: గెలిచే అవకాశం ఉన్న నియోజకవర్గాల్లో పోటీ చేస్తాం: గాలి జనార్దనరెడ్డి

కర్ణాటక(Karnataka)లో తాను గెలిచే అవకాశం ఉన్న నియోజకవర్గం నుంచి తన పార్టీని ముందుకు తీసుకెళ్తానని కల్యాణ రాజ్య ప్రగతి పక్ష పార్టీ అధ్యక్షుడు గాలి జనార్దనరెడ్డి(Gali Janardan Reddy) తెలిపారు. ఇవాళ వీఐపీ ప్రారంభ విరామ దర్శన సమయంలో గాలి జనార్దనరెడ్డి, కర్ణాటక మంత్రి శ్రీరాములు వేరువేరుగా తిరుమల(Tirumala) శ్రీవారిని దర్శించుకున్నారు. రాష్ట్రంలో ఎన్నికలకు ఇంకా నాలుగు నెలల సమయం ఉండటంతో.. ఎన్ని స్థానాల్లో పోటీ చేస్తామన్న విషయాన్ని నెల రోజుల్లో వెల్లడిస్తామని చెప్పారు. తితిదే ఆలయ అధికారులు వారికి దర్శన ఏర్పాట్లు చేశారు. అనంతరం రంగనాయకుల మండపంలో వేదపండితులు వేదాశీర్వచనం చేసి శ్రీవారి తీర్థప్రసాదాలను అందజేశారు.