GHMC: సూపర్ వైజర్ వేధిస్తున్నాడని.. పారిశుద్ధ్య కార్మికుల ఆందోళన

హైదరాబాద్‌లోని హైదర్‌గూడ ఓల్డ్ ఎమ్మెల్యే క్వార్టర్స్ ముందు జీహెచ్ఎంసీ పారిశుద్ధ్య కార్మికులు ఆందోళనకు దిగారు. సూపర్ వైజర్ శ్రీనివాస్ తమను మానసికంగా, లైంగికంగా వేధిస్తున్నాడని ఆవేదన వ్యక్తం చేశారు. చెప్పినట్లు వినకపోతే దూర ప్రాంతాలకు బదిలీ చేస్తున్నారన్నారు. తన కుమారుడి వివాహానికి కూడా సెలవు ఇవ్వడం లేదంటూ ఓ కార్మికురాలు కన్నీరు పెట్టుకుంది. విషయం తెలుసుకున్న జీహెచ్‌ఎంసీ అధికారులు.. సూపర్ వైజర్ శ్రీనివాస్‌ను వేరే చోటుకు బదిలీ చేస్తామని హామీ ఇవ్వడంతో ఆందోళన విరమించారు.