రాజమహేంద్రవరంలో పట్టాలు తప్పిన గూడ్స్‌.. రద్దైన రైళ్లు ఇవే..

రాజమహేంద్రవరం రైల్వేస్టేషన్ సమీపంలో గూడ్స్‌ రైలు పట్టాలు తప్పింది. ఫలితంగా కోల్‌కతా-చెన్నై మార్గంలో పలు రైళ్ల రాకపోకలకు అంతరాయం ఏర్పడింది. గూడ్స్‌ రైలు పట్టాలు తప్పడం కారణంగా... 9 రైళ్లు రద్దు కాగా 2 రైళ్లు పాక్షికంగా రద్దయ్యాయి. విజయవాడ-లింగంపల్లి రైలు రెండు గంటలు ఆలస్యంగా నడుస్తోంది. విజయవాడ-విశాఖ..., విశాఖ-విజయవాడ రైళ్లు రద్దయ్యాయి. అలాగే గుంటూరు-విశాఖ, విశాఖ-గుంటూరు రైళ్లు, విజయవాడ-గుంటూరు రైళ్లు రద్దయ్యాయి. కాకినాడ పోర్టు-విజయవాడ రైళ్లు రద్దు కాగా... విజయవాడ-రాజమహేంద్రవరం రైళ్లు పాక్షికంగా రద్దయ్యాయి.