Punjab: రెండు చేతుల్తో 4 బుల్లెట్‌ బండ్లు ఆపాడు.. ఔరా సాహస వీరా!

పంజాబ్‌కు చెందిన ఓ యువకుడు.. 4 బుల్లెట్ బైక్‌ (Bullet Bikes)లను తాళ్లతో ముందుకు వెళ్లకుండా చేతులతో నిలువరించాడు. లూథియానా జిల్లాలోని ఖిలారాయ్‌పుర్‌లో జరుగుతున్న.. గ్రామీణ క్రీడాపోటీల్లో లవ్‌దీప్‌ సింగ్‌ (Love Deep Singh) అనే 24 ఏళ్ల యువకుడు ఈ విన్యాసాలు చేశాడు. లవ్‌దీప్‌ సింగ్ సాహసాన్ని చూసిన వీక్షకులు చప్పట్లతో అభినందించారు. గత కొన్ని ఏళ్లుగా ఈ క్రీడల్లో పాల్గొంటున్నట్లు లవ్‌దీప్‌ తెలిపాడు. ఇప్పటివరకు జిమ్‌కే వెళ్లలేదని... స్థానికంగా దొరికే ఆహారాన్నే తింటానని చెబుతున్నాడు. యువత డ్రగ్స్‌కు బానిస కాకుండా, మంచి ఆహారం తీసుకుంటూ.. ఆరోగ్యంగా జీవించాలని సలహా ఇస్తున్నాడు.