Mahanadu 2022: అమలాపురంలో అల్లర్లు సృష్టించింది వైకాపా కాదా..?: చంద్రబాబు

ఎస్సీ వ్యక్తి, ఎమ్మెల్సీ అనంతబాబు మాజీ డ్రైవర్‌ సుబ్రహ్మణ్యం హత్య కేసును డైవర్ట్‌ చేసేందుకే అమలాపురంలో అల్లర్లు సృష్టించారని తెదేపా జాతీయ అధ్యక్షుడు చంద్రబాబు ఆరోపించారు. అంబేడ్కర్‌పై అంత అభిమానమే ఉంటే అమరావతిలో నిర్మించతలపెట్టిన 125 అడుగుల భారీ విగ్రహాన్ని ఎందుకు నిర్మించలేదని ప్రశ్నించారు. ఒంగోలులో ఏర్పాటు చేసిన మహానాడులో ఆయన మాట్లాడుతూ అధికార వైకాపాపై నిప్పులు చెరిగారు.