KTR: ప్రీతి మృతిపై స్పందించిన మంత్రి కేటీఆర్‌

వైద్య విద్యార్థిని ప్రీతి మృతిపై మంత్రి కేటీఆర్‌ స్పందించారు. హనుమకొండ జిల్లాలో పలు అభివృద్ధి కార్యక్రమాల్లో పాల్గొన్న ఆయన.. అక్కడ నిర్వహించిన బహిరంగ సభలో మాట్లాడారు. కాలేజీలో జరిగిన ర్యాగింగ్ వల్ల డాక్టర్ ప్రీతి మృత్యువాత పడటం చాలా బాధాకరమన్నారు. ఈ విషయాన్ని కొందరు అనవసరంగా రాజకీయం చేస్తున్నారని మండిపడ్డారు. నిందితులు ఎవరైనా.. ఎంతటివారైనా.. సైఫ్‌ అయినా.. సంజయ్‌ అయినా వదిలేది లేదని స్పష్టం చేశారు.