MLAs Poaching Case: హైకోర్టులో కొనసాగిన వాడీవేడీ వాదనలు

తెరాస ఎమ్మెల్యేలకు ఎర కేసులో.. తెలంగాణ హైకోర్టులో వాడీవేడీ వాదనలు కొనసాగాయి. సిట్ దర్యాప్తును సవాల్ చేస్తూ దాఖలైన పిటిషన్లపై ముగ్గురు నిందితుల తరఫున న్యాయవాది వాదనలు వినిపించారు. దర్యాప్తు పారదర్శకంగా జరగడం లేదని.. తెలంగామ ప్రభుత్వం ఏర్పాటు చేసిన సిట్ వారి కనుసన్నల్లోనే పని చేస్తోందని వాదించారు. అనంతరం వాదనలు వినిపించిన ప్రభుత్వం తరఫున న్యాయవాది... తెలంగాణ ప్రభుత్వాన్ని పడగొట్టడమే కేంద్రంగా కుట్ర జరిగిందని తెలిపారు. భాజపాకు సంబంధం లేదంటూనే నిందితుల తరఫున పిటిషన్లు వేస్తున్నారని కోర్టు దృష్టికి తీసుకువచ్చారు. ఇరువైపులా వాదనలు విన్న హైకోర్టు.. విచారణను డిసెంబర్ 6వ తేదీకి వాయిదా వేసింది.