Flashback: అంతర్జాతీయ క్రికెట్‌లో ధోనీ ఏకైక వికెట్‌.. వీడియో చూశారా?

కీపింగ్‌, బ్యాటింగే కాకుండా టీమిండియా మాజీ కెప్టెన్‌ మహేంద్ర సింగ్‌ ధోనీ.. పలు సందర్భాల్లో బౌలింగ్‌తోనూ అదరగొట్టాడు. తన బౌలింగ్‌ మాయతో ఓ అంతర్జాతీయ వికెట్‌నూ తీశాడు. ఐసీసీ ఛాంపియన్స్ ట్రోఫీలో భాగంగా.. 2009లో వెస్టిండీస్‌తో మ్యాచ్‌లో ధోనీ ఈ ఘనత సాధించాడు. కీపింగ్ బాధ్యతలు దినేష్ కార్తీక్‌కు అప్పగించి.. ధోనీ బంతి పట్టుకొని విండీస్‌ బ్యాటర్‌ డౌలిన్ వికెట్‌ పడగొట్టాడు. ఈ మ్యాచ్‌లో తొలుత బ్యాటింగ్‌ చేసిన విండీస్‌ 129 పరుగులకే ఆలౌట్‌ కాగా, భారత్‌ 7 వికెట్ల తేడాతో ఘన విజయం సాధించింది. కాగా, మొత్తంగా ధోనీ తన కెరీర్‌లో 3 వికెట్లు పడగొట్టగా.. అందులో ఒకటి అంతర్జాతీయ స్థాయిలో, మిగతా రెండు లిస్ట్ ఏ ఫార్మాట్లోనివి.