Nachindi Girl Friendu: ‘నచ్చింది గర్ల్‌ ఫ్రెండూ’.. యువతరం మెచ్చే కథ: వెంకటేష్‌

ఉదయ్‌ శంకర్‌ కథానాయకుడిగా గురు పవన్‌ తెరకెక్కించిన చిత్రం ‘నచ్చింది గర్ల్‌ ఫ్రెండూ’. అట్లూరి నారాయణరావు నిర్మాత. జెన్నీఫర్‌ కథానాయిక. ఈ సినిమా ఈనెల 11న విడుదల కానుంది. ఈ నేపథ్యంలోనే శుక్రవారం హీరో వెంకటేష్‌ ఈ చిత్ర ట్రైలర్‌ను విడుదల చేశారు. ఈ సందర్భంగా ఆయన మాట్లాడుతూ.. ‘‘ట్రైలర్‌ చాలా బాగుంది. కథ కూడా ఆసక్తికరంగా ఉంది. ఇందులో ఫ్యామిలీ ఎమోషన్స్‌తో పాటు థ్రిల్లింగ్‌ అంశాలు ఉన్నాయని తెలిసింది. ఈ చిత్రంతో ఉదయ్‌కు మంచి విజయం దక్కుతుందని ఆశిస్తున్నా’’ అన్నారు. ‘‘యువతరం మెచ్చే కథతో రూపొందిన చిత్రమిది. తప్పకుండా ప్రేక్షకులు ఆదరిస్తారని నమ్ముతున్నా’’ అన్నారు.