NASA: పెరుగుతున్న భూతాపం.. ఈ ఏడాది మరింత ఎక్కువ ఉష్ణోగ్రత..!

ప్రపంచవ్యాప్తంగా వాతావరణ పరిస్థితులు రోజురోజుకూ మరింత ఆందోళనకరంగా మారుతున్నాయి. ఏటా క్రమంగా భూతాపం పెరుగుతుండటం కలవరపెడుతోంది. చరిత్రలోనే అత్యంత వేడి సంవత్సరాల్లో 2022.. ఐదవదిగా నిలిచినట్లు అమెరికా ప్రభుత్వ ఏజెన్సీలు తాజాగా వెల్లడించాయి. గతేడాది కంటే ఈ ఏడాది మరింత ఎక్కువ ఉష్ణోగ్రత నమోదు కానున్నట్లు అంచనా వేశాయి. ఇలాగే భూమి వేడెక్కితే మంచు పర్వతాలు కరిగి సముద్రాల్లోని నీటిమట్టం పెరిగి అనేక ప్రాంతాలు మునిగిపోయే ప్రమాదం ఉందని శాస్త్రవేత్తలు హెచ్చరిస్తున్నారు.