NTR Centenary Celebrations: తారకరాముని శతజయంతి ఉత్సవాలకు నేడు అంకురార్పణ

శత వసంతాల యుగపురుషునికి జన్మదినోత్సవ నీరాజనం అంటూ అశేష జనవాహిని ఆ తారక రామునికి ఘన నివాళులు అర్పించేందుకు సిద్ధమైంది. నందమూరి తారకరాముని శత వసంతాలను పురస్కరించుకుని శతజయంతి ఉత్సవాల శంఖారావాన్ని నేడు విజయవాడ వేదికగా పూరించనున్నారు. మే 28న NTR జన్మదినం సందర్భంగా నెలరోజుల పాటు 100 ప్రాంతాల్లో వందో పుట్టినరోజు వేడుకలు నిర్వహించనున్నారు. విజయవాడ వేదికగా నిర్వహించే శత జయంతి ఉత్సవాల అంకురార్పణకు సూపర్ స్టార్ రజినీకాంత్ విశిష్ట అతిథిగా, తెలుగుదేశం అధినేత చంద్రబాబు ముఖ్యఅతిథిగా పాల్గొననున్నారు. ఎన్టీఆర్ చారిత్రక ప్రసంగాల పుస్తకాలను నేడు ఆవిష్కరించనున్నారు.