Polavaram Project: గైడ్‌బండ్‌ కుంగడం మేఘా వైఫల్యమేనా..?

పోలవరం ప్రాజెక్టులో అతి ముఖ్యమైన గైడ్‌బండ్‌ కుంగిపోవడాన్ని.. నిర్మాణ సంస్థ మేఘా ఇంజినీరింగ్‌ సంస్థ వైఫల్యంగానే పరిగణించాలనే విశ్లేషణలు వినిపిస్తున్నాయి. ప్రవాహ వేగం ఒకవైపే లేకుండా నియంత్రించడంతో పాటు ప్రాజెక్టు స్పిల్‌వే రక్షణకు కీలకమైన నిర్మాణం గైడ్‌బండ్‌. అలాంటి గైడ్‌బండ్‌ ఆకృతులు రూపొందించి నిర్మించింది మేఘా సంస్థే. రూ.81 కోట్లు వెచ్చించిన నిర్మాణం కుంగిపోతే.. నిర్మాణ సంస్థను వెనకేసుకొస్తూ కుంగిపోవడాన్ని చిన్న సమస్యగా సీఎం అభివర్ణించడం దారుణమైన విషయం. పైగా అసలు ఎందుకు కుంగిందో తెలుసుకునే ప్రయత్నం చేయకుండా PPA, CWCకు నివేదించామని, వాళ్లే తేలుస్తారని చేతులు దులుపుకుంటున్నారని వాదనలు వినిపిస్తున్నాయి.