KKR vs PVBKS: చివరి బంతికి ఫోర్‌ కొట్టిన రింకు.. కోల్‌కతా గెలుపు సంబరాలు చూశారా..

కోల్‌కతా: ఐపీఎల్‌ 16వ సీజన్‌లో జట్ల మధ్య రోజురోజుకు రసవత్తర పోరు జరుగుతోంది. చివరి వరకు ఏ జట్టు నెగ్గుతుందో కచ్చితంగా చెప్పలేని పరిస్థితి నెలకొంది. తాజాగా కోల్‌కతా-పంజాబ్‌ జట్ల మధ్య ఉత్కంఠ పోరు జరిగింది.  పంజాబ్‌ నిర్దేశించిన 180 పరుగుల లక్ష్యాన్ని కోల్‌కతా 20 ఓవర్లలో 5 వికెట్లు చివరి బంతికి ఛేదించింది. కోల్‌కతా చివరి రెండు ఓవర్లలో 26 పరుగులు అవసరం కాగా 19వ ఓవర్లో రస్సెల్‌ మూడు సిక్సులతో విధ్వంసం సృష్టించాడు. దీంతో విజయ సమీకరణం ఆరు బంతుల్లో 6 పరుగులుగా మారింది. అయితే చివరి ఓవర్‌ వేసిన అర్ష్‌దీప్‌ సింగ్‌ కోల్‌కతాను భయపెట్టాడు. తొలి నాలుగు బంతుల్లో 4 పరుగులే ఇవ్వడంతో ఉత్కంఠ పెరిగింది. ఐదో బంతికి రస్సెల్‌ రనౌట్‌ కావడంతో సమీకరణం చివరి బంతికి రెండు పరుగులుగా మారింది. దీంతో ఒత్తిడి చిత్తుచేస్తూ రింకు సింగ్‌ చివరి బంతిని ఫోర్‌ బాది కోల్‌కతాను గెలిపించాడు. దీంతో కోల్‌కతా సంబరాల్లో మునిగింది.