TS News: నిధుల్లో గోల్‌మాల్‌ చేశాడని.. సర్పంచ్‌పై చెప్పులతో దాడి

మహబూబాబాద్ జిల్లా మొట్లతండాలో సర్పంచ్‌పై ఓ గ్రామస్థుడు దాడికి పాల్పడ్డాడు. గ్రామంలో సౌకర్యాల్లేవని, అభివృద్ధి నిధుల్లోనూ గోల్‌మాల్‌ చేశారని ఆరోపిస్తూ.. సర్పంచ్‌పై ఓ వ్యక్తి చెప్పులతో దాడికి దిగాడు. పనులు చేయకుండానే సర్పంచ్ బిల్లులు ఎత్తుకుంటున్నారని గ్రామస్థులు ఆరోపించారు. గ్రామసభ సాక్షిగా సర్పంచ్ వర్గీయులు, గ్రామంలో మరో వర్గం పరస్పరం వాగ్వాదానికి దిగారు. సర్పంచ్ సుమన్ నాయక్ మాత్రం తాను చేస్తున్న అబివృద్ధిని చూసి ఓర్వలేకే వ్యక్తిగత కక్షతోనే దాడి చేశారని చెబుతున్నారు.