ప్రజలకు ఔషధల ధరల బాదుడు తప్పదా ?

నెలవారీ బడ్జెట్‌లో సరకుల కోసమే కాదు, మందుల కోసమూ ప్రత్యేకంగా లెక్క రాసుకుంటారు చాలామంది. ప్రస్తుత జీవనశైలితో ఔషధాలు కూడా నిత్యావసరాల జాబితాలో చేరి పోయాయి. చిన్నదో, పెద్దదో ఏదో ఓ అనారోగ్య సమస్య వెంటాడుతోంది. ఆరోగ్యం కాపాడుకు నేందుకు రకరకాల మందులు మింగాల్సి వస్తోంది. ఇప్పుడు వీటి ధరలూ కొండెక్కి కూర్చున్నాయి. ఉక్రెయిన్ యుద్ధం పేరు చెప్పి...అమాంతం 10%కిపైగా ధరలు పెంచేశారు. ఇప్పటికే నిత్యావసరాల ధరలు మండిపోతుంటే...ఔషధాలూ ప్రియమైపోయాయి. ఏప్రిల్ 1వ తేదీ నుంచి ఈ పెరుగుదల అమల్లోకి రాగా...అప్పటి నుంచి సామాన్యులపై బాదుడు మొదలైంది. పారాసిటమాల్ నుంచి యాంటీ బయోటిక్ ఔషధాల వరకూ అన్నింటికీ అధిక ధరలు చెల్లించి కొనుగోలు చేయాల్సి వస్తోంది. ఇవన్నీ ఒకెత్తైతే...ధరల నియంత్రణ తమ పరిధిలో లేదని కేంద్రం ప్రకటించటం మరో ఎత్తు.