AP news: ఇది కొవ్వూరు ఎస్సీ హాస్టల్‌ విద్యార్థుల దుస్థితి

చిన్న గదిలో కిక్కిరిసిపోయి పడుకున్న ఈ పిల్లలు ప్రభుత్వ హాస్టల్ విద్యార్థులు. తూర్పుగోదావరి జిల్లా కొవ్వూరు ఎస్సీ హాస్టల్ పెచ్చులూడి ప్రమాదకరంగా మారడంతో పక్కనున్న బడిలో ఇలా నిద్రించారు. వసతిగృహ భవనం పెచ్చులూడి వర్షపు నీరు లోనికి వస్తోంది. పైగా కనీస సౌకర్యాలూ లేవు. విధిలేక విద్యార్థులు మూడు రోజులుగా సమీపంలోని ప్రాథమిక పాఠశాలలో పడుకుంటున్నారు. గురువారం రాత్రి ఓ చిన్న గదిలో 70 మంది సర్దుకుపోయారు. విద్యా వ్యవస్థను అంతర్జాతీయ స్థాయిలో తీర్చిదిద్దుతున్నామని ఊదరగొడుతున్న సీఎం జగన్ (CM Jagan) మాటలకు.. క్షేత్రస్థాయిలో పరిస్థితులకు ఏమాత్రం పొంతన లేదనడానికి ఈ విద్యార్థుల దుస్థితే నిదర్శనం.