Chandrababu: ఉమ్మడి గుంటూరు జిల్లాలో చంద్రబాబు పర్యటన.. వైకాపా కవ్వింపు చర్యలు!

తెదేపా (TDP) అధినేత చంద్రబాబు (Chandrababu) ఉమ్మడి గుంటూరు జిల్లాల పర్యటనకు ముందే ఉద్రిక్తతలు చోటుచేసుకున్నాయి. నేటి నుంచి 3రోజుల పాటు చంద్రబాబు ఉమ్మడి గుంటూరు జిల్లాల్లో పర్యటించనుండగా.. వైకాపా (YSRCP) శ్రేణులు ముందుగానే కవ్వింపు చర్యలకు దిగాయి. చంద్రబాబుకు వ్యతిరేకంగా ఫ్లెక్సీలు ఏర్పాటు చేయగా.. వాటిని తొలంగించాలని తెలుగుదేశం నేతలు ఫిర్యాదు చేసినా పోలీసులు పట్టించుకోలేదు. అధికారపార్టీ ఉద్దేశపూర్వకంగానే ఉద్రిక్తతలు రెచ్చగొట్టే ప్రయత్నం చేస్తోందని తెలుగుదేశం నేతలు మండిపడుతున్నారు.