TDP: చంద్రబాబు, లోకేశ్ దిష్టి బొమ్మల దహనంపై తేదేపా ఆగ్రహం.. కుప్పంలో ఉద్రిక్తత

చిత్తూరు జిల్లా కుప్పం (Kuppam) లో చంద్రబాబు (Chandrababu), లోకేశ్ (Lokesh) దిష్టిబొమ్మలను వైకాపా నేతలు దహనం చేయడాన్ని వ్యతిరేకిస్తూ తెదేపా (TDP) చేపట్టిన ఆందోళన తీవ్ర ఉద్రిక్తతలకు దారితీసింది. సీఎం జగన్ దిష్టిబొమ్మను దహనం చేసేందుకు తెదేపా కార్యకర్తలు ప్రయత్నించారు. వారిని పోలీసులు అడ్డుకుని లాఠీఛార్జ్ చేశారు. ఈ క్రమంలో ఇరువర్గాల మధ్య తీవ్ర వాగ్వాదం జరిగింది. ఆ తర్వాత పోలీస్ స్టేషన్ ఎదుట బైఠాయించి నిరసన తెలిపారు. పోలీసులకు చిత్తశుద్ధి ఉంటే వైకాపా నాయకులను అరెస్ట్ చేయాలని డిమాండ్ చేశారు.