TS News: ప్రగతిభవన్ ముట్టడికి ఏబీవీపీ కార్యకర్తల యత్నం.. ఉద్రిక్తత

టీఎస్‌పీఎస్సీ ప్రశ్నపత్రాల లీకేజీ వ్యవహారంపై ఏబీవీపీ ఆందోళనకు పిలుపునిచ్చింది. అందులో భాగంగా ఏబీవీపీ కార్యకర్తలు ప్రగతిభవన్ ముట్టడికి యత్నించారు. అక్కడ భారీగా మోహరించిన పోలీసులు.. వారిని అడ్డుకున్నారు. దీంతో పోలీసులు, ఏబీవీపీ కార్యకర్తలకు మధ్య వాగ్వాదం చెలరేగింది. ప్రగతి భవన్ వద్ద ఉద్రిక్త పరిస్థితులు నెలకొన్నాయి. విద్యార్థులను పోలీసులు అరెస్టు చేసి గోషామహల్‌కు తరలించారు.