CM Jagan: గుంటూరులో పరదాల మధ్యే సీఎం జగన్ పర్యటన..!

గుంటూరులో సీఎం జగన్‌ నగర పర్యటన పరదాల మధ్యే సాగింది. సీఎం వెళ్లే మార్గం మొత్తం బారికేడ్లు, వైకాపా (YSRCP) రంగులతో కూడిన పరదాలు కట్టారు. ట్రాక్టర్లు పంపిణీ చేసే చుట్టుగుంట కూడలి వద్ద భారీ భవనాలు, కొన్ని అపార్ట్మెంట్‌లకు పరదాలు చుట్టేశారు. ఇళ్లలో వారిని బయటకు రానీయలేదు. రాత్రి 9 గంటలకే ట్రాక్టర్లు రోడ్డుపై క్యూ లైన్లో పెట్టించారు. ఉదయం 6 గంటల నుంచి వాహనం సీట్లలో కూర్చోవాలని ఆదేశించారు. సీఎం జగన్ వచ్చి జెండా ఊపే వరకూ వారు వాహనాలపై పడిగాపులు కాయాల్సి వచ్చింది. ఉదయం 9 గంటలకే ఎండ తీవ్రత మొదలవడంతో.. చాలా మంది నీరసించిపోయారు.