TTD: తిరుమలలో డ్రోన్ దృశ్యాల కలకలం.. నాలుగైదు రోజుల్లో స్పష్టత: తితిదే ఛైర్మన్ సుబ్బారెడ్డి

శ్రీవారి ఆలయాన్ని డ్రోన్ కెమెరాతో చిత్రీకరించినట్టుగా సామాజిక మాధ్యమాల్లో ప్రచారమవుతున్న వీడియోను ఫోరెన్సిక్ ల్యాబ్‌కు పంపి నాలుగైదు రోజుల్లో స్పష్టత ఇస్తామని తితిదే చైర్మన్ సుబ్బారెడ్డి తెలిపారు. నిందితులపై కఠిన చర్యలు తీసుకుంటామని చెప్పారు. తిరుమలలో కట్టుదిట్టమైన భద్రత మధ్య వున్న శ్రీవారి ఆలయాన్ని డ్రోన్ కెమెరాతో చిత్రీకరించడం సాధ్యం కాదన్నారు. హైదరాబాద్‌కు చెందిన ఓ సంస్థ సోషల్ మీడియాలో ఈ వీడియోను ప్రసారం చేస్తోందని విజిలెన్స్, భద్రతాధికారులు గుర్తించినట్లు చెప్పారు.