UI The Movie: ఈ టీజర్‌ మీ ఊహ కోసమే.. సరికొత్తగా ఉపేంద్ర ‘యూఐ’ టీజర్‌

హైదరాబాద్‌: కన్నడ ప్రేక్షకులతో పాటు, తెలుగువారికి దగ్గరైన నటుడు ఉపేంద్ర.  ఆయన స్వీయ దర్శకత్వంలో వస్తున్న తాజా చిత్రం ‘యూఐ: ది మూవీ’. దాదాపు ఏడు సంవత్సరాల తర్వాత ఉపేంద్ర ఈ సినిమా కోసం మెగాఫోన్‌ పట్టారు. వినాయకచవితి సందర్భంగా ఈ చిత్ర టీజర్‌ను విడుదల చేశారు. ‘చీకటి.. అంతా చీకటి..’ అంటూ మొదలైన టీజర్‌లో కేవలం శబ్దాలు మాత్రమే వినిపించాయి. ‘ఇది ఏఐ వరల్డ్‌ కాదు. ఇది యూఐ వరల్డ్‌. దీని నుంచి తప్పించుకోవాలంటే, మీ తెలివితేటలను వాడండి’ అన్న వాయిస్‌ సినిమాపై ఆసక్తిని పెంచుతోంది.