Vijayashanti: కొట్టి చంపుతారా.. ఏంటా మాటలు?: కేసీఆర్‌ కుటుంబంపై విజయశాంతి ఫైర్‌

ఎంపీ అరవింద్ ఇంటిపై దాడి జరగడం దురదృష్టకరమని భాజపా జాతీయకార్యవర్గ సభ్యురాలు విజయశాంతి అన్నారు.  కేసీఆర్.. కనీసం తన బిడ్డలకైనా మంచి బుద్ధి నేర్పిస్తే బాగుండేదని ఎద్దేవా చేశారు. బంజారాహిల్స్‌లోని అరవింద్ నివాసానికి వెళ్లిన విజయశాంతి.. తెరాస దాడి చేసిన పరిసరాలను పరిశీలించారు. కేసీఆర్‌ కుటుంబం నోరు దగ్గర పెట్టుకొని మాట్లాడాలని సూచించారు. కేసీఅర్ ఏ భాష వాడారో, భాజపా అదే భాష మాట్లాడుతుందని స్పష్టం చేశారు. ఇలాంటి దాడులు చూస్తూ సహించబోమన్నారు.  ప్రతిపక్షంలో ఉన్నవాళ్లు విమర్శలు చేస్తే వాటికి సమాధానం చెప్పాలి కానీ, దాడులు ఏంటని ప్రశ్నించారు.