Omicron: భారత్‌ సహా 10 దేశాల్లో ఒమిక్రాన్‌ కొత్త వేరియంట్ గుర్తింపు

వేగంగా వ్యాప్తి చెందే ఒమిక్రాన్ వేరియంట్ కు కొత్త ఉపరకంగా భావిస్తున్న బీఏ.2.75ను తొలుత భారత్‌లో.. ఆ తర్వాత మరో 10 దేశాల్లో గుర్తించినట్లు ప్రపంచ ఆరోగ్య సంస్థ ప్రకటించింది. దాని లక్షణాలను విశ్లేషిస్తున్నట్లు పేర్కొంది. రెండు వారాలుగా ప్రపంచవ్యాప్తంగా కొవిడ్ కేసులు 30 శాతం మేర పెరగడం ఆందోళన కలిగిస్తుండగా.. వీటిలో ఒమిక్రాన్ ఉపరకాల ప్రభావం ఎక్కువగా ఉంది.