Usain Bolt: ఉసేన్‌ బోల్ట్‌ ఖాతా నుంచి రూ.103 కోట్లు మాయం

జమైకా పరుగుల వీరుడు ఉసేన్ బోల్ట్‌కు ఊహించని ఎదురుదెబ్బ తగిలింది. బోల్ట్ పెట్టుబడి పెట్టిన ఓ సంస్థలో ఆయన ఖాతా నుంచి ఏకంగా రూ.103 కోట్లకు పైగా డబ్బు మాయమైంది. పది రోజుల్లోగా ఆ డబ్బును తిరిగి ఖాతాలో జమచేయాలని, లేదంటే న్యాయపరమైన చర్యలు తీసుకోవాల్సి ఉంటుందని బోల్ట్ న్యాయవాదులు కంపెనీని హెచ్చరించారు. కంపెనీలో జరిగిన మోసపూరిత చర్య వల్ల డబ్బులు మాయమైనట్లు ఆరోపించారు.