పిలుస్తున్నాయ్‌..దక్షిణ ధామాలు

ఏ రైలుకు రిజర్వేషన్‌ చేసుకున్నా.. కోరుకున్న చోటుకు వెళ్లొచ్ఛు కానీ, ఈ రైలుకు చేసుకుంటే మాత్రం.. పుణ్యధామాలను చుట్టేయొచ్ఛు ఐఆర్‌సీటీసీ కొత్త ప్యాకేజీలో దక్షిణ భారతదేశంలోని అద్భుత ఆలయాలను చూసే అవకాశం దొరుకుతోంది. మరెందుకు ఆలస్యం.. పది మందితో కలిసి పదండి..

భారత్‌ దర్శన్‌ రైలు కూత తెలుగునాట మోగనుంది. 2020 జనవరి 3న సికింద్రాబాద్‌ నుంచి ఐఆర్‌సీటీసీ (ఇండియన్‌ రైల్వే క్యాటరింగ్‌ టూరిజం కార్పొరేషన్‌ లిమిటెడ్‌) రైలు బయలుదేరుతోంది. తెలుగు రాష్ట్రాల్లోని పలు రైల్వే స్టేషన్ల నుంచి పర్యాటకులను ఎక్కించుకొని వారం రోజుల పాటు తమిళనాడు, కేరళను చుట్టేయనుంది. 7 రాత్రులు- 8 పగళ్లు కొనసాగనున్న ఆధ్యాత్మిక విహార యాత్రలో తమిళనాడులోని శ్రీరంగం, తంజావూరు, రామేశ్వరం, మదురై, మహాబలిపురం, కంచితో పాటు కేరళలో తిరువనంతపురం క్షేత్రాలను సందర్శించొచ్ఛు

ఇలా మొదలు..

జనవరి 2వ తేదీ అర్ధరాత్రి దాటిన తర్వాత మూడో తేదీ 00.05 గంటలకు సికింద్రాబాద్‌ నుంచి భారత్‌ దర్శన్‌ రైలు ప్రారంభమవుతుంది. సికింద్రాబాద్‌, వరంగల్‌, ఖమ్మం, విజయవాడ, ఒంగోలు, నెల్లూరు, రేణిగుంట స్టేషన్లలో పర్యాటకులు ఎక్కొచ్ఛు అదే రోజు రాత్రికి రైలు తిరుచ్చిరాపల్లికి చేరుకుంటుంది. అక్కడే బస. మర్నాటి నుంచి అసలు యాత్ర మొదలవుతుంది.

అద్భుత ఆలయాలు..

కావేరీ నదిలో వెలిసిన ద్వీపం శ్రీరంగం. అక్కడ శ్రీరంగనాథుడు కొలువై ఉన్నాడు. 156 ఎకరాల్లో విస్తరించి ఉన్న శ్రీరంగ ధామంలో అద్భుతమైన ప్రాకారాలు, అందమైన గోపురాలు.. ఆ శేషశాయి వైభవాన్ని కళ్లముందు ఉంచుతాయి. ఈ ఆలయాన్ని చూసి తరించిన కళ్లకు అంతకుమించిన సౌందర్యాన్ని చూపుతుంది బృహదీశ్వర ఆలయం. శ్రీరంగం నుంచి బస్సులో తంజావూరు తీసుకెళ్తారు. అక్కడ బృహదీశ్వర ఆలయం, పరిసరాలు చూసుకుని రాత్రికి తిరుచ్చిరాపల్లికి తిరుగు ప్రయాణం అవుతారు. మళ్లీ రైలు ప్రయాణం మొదలవుతుంది.

అపురూప దర్శనం

మూడో రోజు తెల్లారేసరికి.. సముద్రం మధ్యలో ఉంటారు. ఎటు చూసినా సంద్రమే. అదే రామేశ్వరం. రాముడు.. శివుడిని కొలిచిన క్షేత్రం. పరమేశ్వరుడు.. రామయ్యను ఆదరించిన తీర్థం. ఆ ఇతిహాసాన్ని గుర్తు చేసుకుంటూ.. సముద్ర స్నానం చేసి.. రామేశ్వరుడి దర్శనానికి వెళ్లి.. ఆలయ అపురూప నిర్మాణాన్ని చూస్తూ విస్తుపోవాల్సిందే. ఆలయ పరిసరాల్లోని 22 బావులు చూసుకొని మధ్యాహ్నానికి రామేశ్వరం నుంచి బయల్దేరతారు. సాయంత్రానికి మరో పుణ్యక్షేత్రం మదురైకి చేరుకుంటారు. మీనాక్షి అమ్మవారు, సుందరేశ్వర ఆలయ దర్శనంతో పాటు పరిసరాల్లోని గుళ్లూ గోపురాలు చూశాక.. రాత్రి మళ్లీ ప్రయాణం మొదలవుతుంది.

కడలి అంచున

నాలుగో రోజు తెల్లారేసరికి నాగర్‌ కోయిల్‌ చేరుకుంటుంది రైలు. అక్కడి నుంచి కన్యాకుమారికి బస్సులో ప్రయాణం. కుమారి అమ్మన్‌ ఆలయం, గాంధీ మెమోరియల్‌, వివేకానంద రాక్‌ మెమోరియల్‌, తిరువళ్లువర్‌ విగ్రహ సందర్శనం పూర్తి చేసుకొని.. మలి సంధ్యవేళకు కడలి అంచుకు చేరుకుంటారు. అరుణకాంతులీనుతూ అస్తమిస్తున్న భానుడి అందాన్ని మనసారా ఆస్వాదించొచ్ఛు రాత్రి కన్యాకుమారిలోనే బస.

అనంత ఆనందం

ఐదో రోజు తెల్లవారుజామునే నాగర్‌కోయిల్‌ నుంచి రైలు కదులుతుంది. పిచ్చాపాటి కబుర్లు పూర్తయ్యేటప్పటికి రైలు కేరళ పరిసరాలను పరిచయం చేస్తుంది. తిరువనంతపురం సమీపంలోని కోచ్చువెలీ రైల్వేస్టేషన్‌కు చేరుకుంటుంది. అక్కడి నుంచి కోవలం తీరంలో విహారం మనసుకు ఉత్తేజాన్నిస్తుంది. తర్వాత తిరువనంతపురంలో కొలువుదీరిన అనంత పద్మనాభస్వామి ఆలయ సందర్శనం ఉంటుంది. రాత్రికి కోచ్చువెలీ నుంచి రైలు బయల్దేరుతుంది.

కళల లోగిలి..

ఆరో రోజు మధ్యాహ్నానికి రైలు చెంగల్‌పట్టుకు చేరుకుంటుంది. ఇక్కడికి సమీపంలో ఉంటుంది మహాబలిపురం. క్రీస్తుశకం 7వ శతాబ్దంలో పల్లవరాజులు కట్టించిన నగరమిది. ఒకప్పుడు రేవుపట్టణంగా విలసిల్లిన మహాబలిపురం.. యునెస్కో వారసత్వ ప్రాంతంగా గుర్తింపు పొందింది. అద్భుతమైన ఆలయాలు, అపురూప శిల్పాలు, అందమైన సముద్రాన్ని చూస్తూ రోజంతా ఇట్టే గడిపేయొచ్ఛు రాత్రికి బస చెంగల్‌పట్టులో.

కామాక్షి సన్నిధి నుంచి..

ఏడో రోజు ఉదయాన్నే చెంగల్‌పట్టు నుంచి కంచికి తీసుకెళ్తారు. అక్కడ అమ్మవారి గుడి సందర్శనతో పాటు కాంచీపురం అంతా తిరగొచ్ఛు రాత్రికి చెంగల్‌పట్టు వచ్ఛి. అక్కడి నుంచి యాత్ర తిరుగు ప్రయాణం మొదలవుతుంది. అదే రోజు రాత్రి రేణిగుంట, మర్నాడు నెల్లూరు, ఒంగోలు, విజయవాడ, ఖమ్మం, వరంగల్‌ మీదుగా పదో తేదీ మధ్యాహ్నానికి రైలు సికింద్రాబాద్‌ చేరుకుంటుంది.

ప్యాకేజీలో..

* రైలు టికెట్లు

* బస, ఉదయం టిఫిన్‌, టీ/ కాఫీ, మధ్యాహ్నం భోజనం, రాత్రి భోజనం, రోజుకు ఒక లీటర్‌ నీళ్ల బాటిల్‌

* స్థానిక విహారానికి నాన్‌ ఏసీ బస్సు

సంప్రదించండి..

సికింద్రాబాద్‌: 040 27702407, 97013 60701, 82879 32227/8/9

విజయవాడ: 0866 2572280, 82879 32311, 82879 32312

తిరుపతి: 0877 2222010, 82879 32313

వివరాలకు www.irctctourism.com వెబ్‌సైట్‌ చూడండి.