నాన్న కలను నెరవేర్చాను

స్పోర్ట్స్‌ స్టార్‌

నాన్న కలను నెరవేర్చాను

నాన్న కలను నెరవేర్చాను

మీ గురించి మూడు ముక్కల్లో..
నిరాడంబరత్వం, నిజాయితీ, క్రమశిక్షణ
దక్షిణాఫ్రికాలో విరాట్‌ కోహ్లి విన్యాసాలే పతాక శీర్షికలవుతున్నాయి. కానీ అక్కడే మరో క్రికెటర్‌ బ్యాటుతో పరుగుల వరద పారిస్తోంది. స్మృతి మంధాన మామూలుగా చెలరేగలేదు. ప్రపంచకప్‌లో సూపర్‌ ప్రదర్శనతో అందరినీ ఆకట్టుకున్న ఈ మహరాష్ట్ర అమ్మాయి.. దక్షిణాఫ్రికాపై ఓ సూపర్‌ శతకం, ఓ భారీ ఇన్నింగ్స్‌తో భారత్‌ మూడు మ్యాచ్‌ల వన్డే సిరీస్‌ గెలవడంలో కీలక పాత్ర పోషించింది. మహిళల క్రికెట్లో వేగంగా ఎదుగుతున్న మంధానతో కాసేపు సరదా సంభాషణ.
క్రికెట్‌తో మీ పరిచయం..
అన్న, నాన్న ఆడడం... చూడడంతో క్రికెట్‌తో నా అనుబంధం మొదలైంది. నాలుగైదేళ్ల వయసులో.. క్రికెట్‌ సాధనకు వెళ్తున్న మా అన్నతో నేను కూడా సరదాగా వెళ్లడం మొదలెట్టా. క్రమంగా నాలో కూడా ఆసక్తి మొదలైంది. నేర్చుకోవడం ప్రారంభించా. బ్యాటింగ్‌ అంటే ఇష్టం పెరిగింది. ఆసక్తికర విషయమేంటంటే మా అన్న కూడా ఎడమచేతి వాటం బ్యాట్స్‌మనే. అదే నాకు అలవడింది. క్రికెట్లోనే నాది ఎడమచేతి వాటం. మూమూలుగా నాది కుడిచేతి వాటమే. మేమిద్దరం భారత జట్టుకు ఆడాలన్నది మా నాన్న కల. మా అన్న క్రికెట్లో కొనసాగలేదు. నాన్న కలను నెరవేర్చినందుకు నాకు సంతోషంగా ఉంది.
క్రికెట్‌ అంటే మీకు..
సర్వస్వం. నా జీవితంలో గత 10-15 ఏళ్లలో నేను సాధించిందంతా కేవలం క్రికెట్లోనే. నాకు ఇతర వ్యక్తిగత జీవితమేమీ లేదు. నాకు అంతా క్రికెట్టే.
మైదానంలో మీ చిరస్మరణీయ సందర్భం..
ప్రపంచకప్‌ ఫైనల్‌ కోసం మైదానంలో అడుగుపెట్టిన క్షణం. కిక్కిరిసిపోయిన స్టేడియంలో ఆడడం మాకు అదే మొదటిసారి.
ఇష్టమైన ఆహారం..
అన్నీ తింటా. నియమాలేమీ పెట్టుకోను. కానీ భేల్‌పురి నా ఫేవరెట్‌.
ఖాళీ దొరికితే..
సినిమాలంటే ఇష్టం. ఏ మాత్రం సమయం దొరికినా సినిమా చూస్తా. అర్జిత్‌ సింగ్‌ పాటలు వింటా.
మైదానంలో మీరు ఆదర్శంగా భావించే ముగ్గురు..
మా అన్న, మాథ్యూ హేడెన్‌, సచిన్‌ తెందుల్కర్‌
ప్రపంచకప్‌లో మీ ఫేవరెట్‌ మ్యాచ్‌..
ఆస్ట్రేలియాతో మేము ఆడిన సెమీఫైనల్‌. హర్మన్‌ప్రీత్‌ కౌర్‌ ఇన్నింగ్స్‌ నా దృష్టిలో ప్రపంచకప్‌కే హైలైట్‌

మంధాన గురించి ఇంకా..

* సొంతూరు మహరాష్ట్రలోని సాంగ్లి
* తండ్రి శ్రీనివాస్‌, అన్న శ్రవణ్‌..ఇద్దరూ క్రికెటర్లే. శ్రీనివాస్‌ జిల్లా స్థాయిలో, శ్రవణ్‌ అండర్‌-19లో స్థాయిలో ఆడారు
* 12 ఏళ్ల వయసులోనే మహారాష్ట్ర అండర్‌-19 జట్టుకు ఎంపికైంది
* వెస్ట్‌జోన్‌ అండర్‌-19 వన్డే టోర్నీ (2013)లో డబుల్‌ సెంచరీ (150 బంతుల్లో 224) చేయడం ద్వారా తొలిసారి అందరి దృష్టిని ఆకర్షించింది. అప్పటికి ఆమె వయసు 17 సంవత్సరాలే. రాహుల్‌ ద్రవిడ్‌ ఇచ్చిన బ్యాటుతో ఆమె ఈ ద్విశతకం చేయడం విశేషం. ఆ బ్యాటును షోకేస్‌లో భద్రంగా దాచుకుంది.
* 2013లో వన్డేల్లో, 2014లో టెస్టుల్లో అరంగేట్రం చేసింది
* మహిళల బిగ్‌బాష్‌ లీగ్‌లో బ్రిస్బేన్‌ హీట్స్‌కు ప్రాతినిధ్యం వహించింది

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

స్పోర్ట్స్‌ స్టార్‌

మరిన్ని

రుచులు

App