close

Published : 04/09/2020 01:34 IST
Facebook Share Twitter Share WhatsApp Share Telegram Share
రష్యాలో రాజ్‌నాథ్‌ నమస్కారం.. వీడియో వైరల్‌

ఇంటర్నెట్ డెస్క్‌: ఓ కీలక సమావేశంలో పాల్గొనేందుకు రష్యా చేరుకున్న  రక్షణ మంత్రి రాజ్‌నాధ్‌ సింగ్‌.. అటు భారతీయ సంస్కృతిని ప్రతిబింబించేలా, ఇటు కరోనా నేపథ్యంలో భౌతికదూరం నిబంధనలకు అనుగుణంగా అక్కడి వారికి నమస్కారంతో పలకరించారు. కీలక షాంఘై కోఆపరేషన్‌ ఆర్గనైజేషన్‌ (ఎస్‌సీఓ) సమావేశానికి భారతదేశం తరపున రాజ్‌నాధ్‌ సింగ్‌ హాజరయ్యారు. ఈ సందర్భంగా రష్యాను చేరుకున్న మంత్రికి రష్యన్‌ మేజర్‌ జనరల్‌ బుక్తీవ్‌ యూరీ నికోలేవిచ్‌ తదితర ఉన్నతాధికారులు మాస్కో విమానాశ్రయం వద్ద స్వాగతం పలికారు. ఓ అత్యున్నత రష్యన్ ఆర్మీ అధికారి ఆయనకు సెల్యూట్‌తో స్వాగతం చెప్పగా.. అందుకు మన రక్షణ మంత్రి భారతీయ సంప్రదాయ పద్ధతిలో ‘నమస్తే’తో ప్రతిస్పందించారు. రష్యన్‌ బృందంలో ఒకరు షేక్‌హ్యాండ్‌ ఇచ్చేందుకు ప్రయత్నించినా.. రాజ్‌నాథ్ సింగ్ మాత్రం‌ నమస్కారం చేశారు.  

ఈ ఘటనకు సంబంధించిన వీడియోను రాజ్‌నాథ్‌ తన ట్విటర్‌ హ్యాండిల్‌లో నిన్న షేర్‌ చేస్తూ.. ‘‘నిన్న సాయంత్రం మాస్కో చేరుకున్నాను. రష్యన్‌ ప్రతినిధి జనరల్‌ సెర్గేయ్‌ షోయ్‌గూతో రేపు జరగనున్న కోసం ద్వైపాక్షిక సమావేశం కోసం వేచిచూస్తున్నా’’ అని వ్యాఖ్యానించారు. దీన్ని పోస్ట్‌ చేసిన 12 గంటలు గడవక ముందే ఒకటిన్నర లక్షలకు పైగా వ్యూస్‌ను స్వంతం చేసుకోవటం గమనార్హం. ఎస్‌సీఓలో భారత్‌తో సహా.. చైనా, కజకిస్థాన్‌, కిర్గిజ్‌స్థాన్‌, పాకిస్థాన్‌, రష్యా, తజికిస్థాన్‌, ఉజ్బెకిస్థాన్‌లు సభ్య దేశాలుగా ఉన్నాయి. అయితే, కరోనా వైరస్‌ వ్యాప్తి నేపథ్యంలో దేశాధినేతలతో సహా ప్రపంచవ్యాప్తంగా పలువురు ప్రాచీన భారతీయ విధానమైన నమస్కారాన్ని అనుసరిస్తున్న విషయం తెలిసిందే.


Tags :

మరిన్ని

జిల్లా వార్తలు

దేవతార్చన

మరిన్ని
రుచులు
+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.