close

Published : 10/03/2020 15:05 IST
Facebook Share Twitter Share WhatsApp Share Telegram Share
కేంద్రమంత్రి ‘కరోనా గో’ వీడియో వైరల్‌

ముంబయి: ప్రపంచ దేశాలను వణికిస్తున్న కరోనా వైరస్‌ (కొవిడ్‌ 19) కేసులు భారత్‌లో రోజురోజుకూ పెరుగుతున్నాయి. ఈ వైరస్‌ను దీటుగా ఎదుర్కొనేందుకు కేంద్ర ప్రభుత్వం రాష్ట్రాలతో సమన్వయం చేసుకుంటూ పలు చర్యలు చేపడుతోంది. ప్రజల్లో చైతన్యం కల్పించడమే లక్ష్యంగా అనేక కార్యక్రమాలు నిర్వహిస్తోంది. ఈ నేపథ్యంలోనే ముంబయిలో కేంద్రమంత్రి రాందాస్‌ అథవాలే, చైనా కాన్సుల్‌ జనరల్‌ టాంగ్‌ గుకాయ్‌తో పాటు పలువురు బౌద్ధ సన్యాసులు చైనాలో కరోనా వ్యాప్తి చెందకుండా ఉండాలంటూ గత నెలలో ప్రార్థనలు చేశారు. ఈ సందర్భంగా ‘గో కరోనా.. గో కరోనా’ అంటూ ఫిబ్రవరి 20న ముంబయిలోని గేట్‌ వే ఆఫ్‌ ఇండియా వద్ద వీరంతా కలిసి చేసిన నినాదాల వీడియో ప్రస్తుతం సామాజిక మాధ్యమాల్లో వైరల్‌గా మారింది. 

గతేడాది డిసెంబర్‌ మాసంలో చైనాలోని వుహాన్‌ నగరంలో ఈ వైరస్‌ ప్రబలిన విషయం తెలిసిందే. ప్రస్తుతం 90కి పైగా దేశాలకు వ్యాప్తి చెంది 4013 మంది ప్రాణాలను బలితీసుకుంది. 1,13,634 మంది ఈ వైరస్‌తో బాధపడుతున్నారు. దీని భయంతో చైనా, ఇటలీతో పాటు పలు దేశాల్లో కోట్లాది మంది ప్రజలు ఇళ్ల నుంచి బయటకు వచ్చేందుకు సైతం భయపడుతున్నారు. ఈ వైరస్‌ ధాటికి ప్రపంచ ఆర్థిక వ్యవస్థ తీవ్ర ప్రభావానికి గురైంది.


Tags :

మరిన్ని

జిల్లా వార్తలు

దేవతార్చన

మరిన్ని
రుచులు
+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.