కట్నం ఇవ్వలేదు.. ఆస్తిలో వాటా అడగొచ్చా?
మా తాతయ్య మా అమ్మమ్మకి తెలియకుండా మరో ఆమెతోనూ కాపురం చేశారు. కానీ పెళ్లి చేసుకోలేదు. అమ్మమ్మకి ముగ్గురు అమ్మాయిలు. ఆవిడకు ఇద్దరబ్బాయిలు. ఈ మధ్య తాతయ్య అనారోగ్యంతో మరణించారు. అప్పటి నుంచి ఆస్తి తగాదాలొచ్చాయి. ఆయన పేరున కొంత ఆస్తి ఉంది. మిగిలినది రెండో భార్య కొడుకుల పేరు మీద పహాణీ ఉంది. కానీ రిజిస్ట్రేషన్ కాలేదు. మా తాతయ్య కూతుళ్లకు పెళ్లి చేసి పంపాడే తప్ప.......
మా తాతయ్య మా అమ్మమ్మకి తెలియకుండా మరో ఆమెతోనూ కాపురం చేశారు. కానీ పెళ్లి చేసుకోలేదు. అమ్మమ్మకి ముగ్గురు అమ్మాయిలు. ఆవిడకు ఇద్దరబ్బాయిలు. ఈ మధ్య తాతయ్య అనారోగ్యంతో మరణించారు. అప్పటి నుంచి ఆస్తి తగాదాలొచ్చాయి. ఆయన పేరున కొంత ఆస్తి ఉంది. మిగిలినది రెండో భార్య కొడుకుల పేరు మీద పహాణీ ఉంది. కానీ రిజిస్ట్రేషన్ కాలేదు. మా తాతయ్య కూతుళ్లకు పెళ్లి చేసి పంపాడే తప్ప... కట్నకానుకలేవీ ఇవ్వలేదు. ఇప్పుడు ఆ ఆస్తిలో అమ్మపేరున వాటా అడగొచ్చా? మాకు న్యాయం జరగాలంటే ఏం చేయాలి?
- ఓ సోదరి, హైదరాబాద్
మీ తాతయ్య ఆస్తికి ఆయన పిల్లలందరూ వారసులే. ఎటొచ్చీ ఆయన రెండవ భార్య కొడుకుల పేరు మీద పహాణీలు ఎలా వచ్చాయో తెలియాలి. సాధారణంగా రెవిన్యూ రికార్డ్స్లో భూయజమాని లేదా పొలం పండిస్తున్న వారి పేరు ఉంటుంది. రిజిస్ట్రేషన్ చేయకుండా పహాణీలో పేరు కనిపిస్తోందంటే పండిస్తున్న వారి కాలమ్లో ఉండి ఉండాలి. హిందూ వారసత్వ చట్టం-1956 ప్రకారం మీ తాతగారి మొత్తం ఆస్తులను... ఆయనకు మిగిలిన ఉన్న వారసులందరికీ పంచాల్సి ఉంటుంది. ముందుగా క్లాస్-1 వారసులుగా భార్య, పిల్లల్ని పరిగణిస్తారు. బిడ్డలు మరణిస్తే... వారి సంతతిని భాగస్వాములుగా గుర్తిస్తారు. ఈ విభాగంలో వితంతువులు ఉంటే వారికీ వాటా ఉంటుంది. ఇక, మీ తాత ఆవిడను పెళ్లి చేసుకోలేదు కాబట్టి వారి పిల్లలు మాత్రమే ఆస్తికి వారసులవుతారు. హిందూ వారసత్వ చట్టం సెక్షన్- 10, రూల్ 2 ప్రకారం... తల్లి, బతికి ఉన్న పిల్లలందరూ ఒక్కో భాగం తీసుకోవడానికి ఆర్హులే కాబట్టి మీరు మీ తాత ఆస్తిలో మీ అమ్మ వాటా కోరుతూ దావా వేయండి. ఎవరెవరు భాగస్వామ్యం కోరుతున్నారో వారందరినీ వాదులుగా చేర్చండి. భాగస్వామ్యానికి అర్హులందరినీ ప్రతివాదులుగా చేర్చండి. అలానే ఆస్తి ఎవరి స్వాధీనంలో ఉందో వారు ఆస్తిని తమ పేరు మీద కానీ, వేరే వారి పేరుమీదకు కానీ మార్చకుండా ఇంజక్షన్ ఆర్డర్ తెచ్చుకోండి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- హెయిర్ బన్.. స్టైలిష్గా వేసేద్దాం!
- సన్స్క్రీన్... పౌడర్లో!
- వేసవిలో వీటి విషయంలో జాగ్రత్త!
- వ్యాయామం వల్ల మొటిమలు రాకుండా..!
- గడువు దాటితే వద్దు...
ఆరోగ్యమస్తు
- రాగుల్లో దాగున్న ‘ఆరోగ్యం’!
- వేరుశనక్కాయలు తింటే... ధ్యానం చేసినట్లే!
- తేలిగ్గా తీసుకోవద్దు!
- ప్రసవానంతరం పొట్టను ఇలా తగ్గించుకుందాం!
- వ్యాయామం చేయలేకపోతున్నారా?
అనుబంధం
- పోనీ ఇలా చెప్పి చూద్దామా?
- పెళ్లికి ముందు సరేనన్నాడు.. ఇప్పుడు వద్దంటున్నాడు!
- నో చెప్పండిలా!
- అనుమానిస్తున్నాడని నిరూపించేదెలా?
- పిల్లలకీ కావాలో రొటీన్!
యూత్ కార్నర్
- Miss Universe : ఈ ముద్దుగుమ్మదే.. ఆ ఘనత!
- ఆ చక్రాలని నడిపించేది వాళ్లే!
- దాచగలరు..!
- మన గచ్చకాయలాట... కొరియాలో!
- విరాళాలకు వారధిగా.. ఆమె సేవలు!
'స్వీట్' హోం
- వేసవిలో.. ఇల్లు చల్లగా!
- గోవర్ధనాల గుబాళింపు!
- ఇనుప కడాయిలో ఇవొద్దు!
- Green Vegetables : వీటిని ఎలా వండుతున్నారు?
- వాచీ రింగు పూల హంగు!
వర్క్ & లైఫ్
- ఒక్క రోజులోనే.. ఒంటరిగా.. ఆ ప్రాంతాలన్నీ చుట్టేశా!
- ఆ అల్లరి పిల్లే ఇప్పుడు టీచరైంది.. ఈ స్టూడెంట్-టీచర్ కథ చదివారా?!
- ప్రయాణాలకు... చిన్ని సాయాలు!
- ఆర్థికంగా ఎదగాలంటే...
- ఇది మహిళల హోలీ.. మగాళ్లకు నో ఎంట్రీ!