Breaking | Feedback | ePratibha | E-PAPER | Pratibha

News in images: చిత్రం చెప్పే విశేషాలు (02-06-2024)

నిత్యం మన చుట్టూ ఎన్నో సంఘటనలు జరుగుతూ ఉంటాయి. అందులోని కొన్ని ఆసక్తికరమైనవి మీకోసం..

Updated : 02 Jun 2024 09:58 IST

1/14

తిరుమల శ్రీవారిని సుప్రీంకోర్టు విశ్రాంత ప్రధాన న్యాయమూర్తి జస్టిస్‌ ఎన్వీ రమణ దర్శించుకున్నారు. ఆయనకు వేద పండితులు వేదాశీర్వచనం పలికారు. అనంతరం స్వామివారి తీర్థప్రసాదాలను అందజేశారు.

2/14

వారం రోజుల క్రితం పెద్ద ఎత్తున వీచిన ఈదురు గాలులకు పలు చోట్ల మహా వృక్షాలు సైతం నేలకొరిగాయి. అయితే ఆదిలాబాద్‌ జిల్లా నేరేడిగొండ మండలం రహదారిపై విరిగిపోయిన వృక్షం స్థానంలో రావి చెట్టు మొలిచిందిలా..

3/14

విజయనగరం జిల్లా బలిజిపేట మండలంలోని వంతరాం సమీపంలోని వేగావతి నది రూపరేఖలు మారిపోయాయి. ఏడాదిలో 8 నెలలపాటు నీటితో కళకళలాడే నది వేసవి తీవ్రతతో ఎండిపోయింది. ఒక ఒడ్డుకు ఇసుక మేటలు వేయడం, గోతులతో కనిపిస్తోంది.

4/14

విశాఖ నగరంలో కొంతమంది ద్విచక్ర వాహన చోదకులు తలకు శిరస్త్రాణం ధరించకుండా చక్కర్లు కొడుతున్నారు. కొందరు వెంట తెచ్చుకున్న హెల్మెట్లను వాహనాలకు తగిలిస్తున్నారు. ఇంకొందరు వెనుక కూర్చున్న వాళ్ల చేతుల్లో పెడుతున్నారు. మద్దిలపాలెం కూడలిలో చోటుచేసుకున్న దృశ్యాలివి.

5/14

ప్రకృతి వ్యవసాయదారుల సేవా సంఘం ఆధ్వర్యంలో విశాఖ జిల్లా ఎంవీపీ కాలనీ గిరిజన్‌ భవన్‌లో మామిడి మేళా ప్రదర్శన, అమ్మకాలు నిర్వహించారు. వివిధ రకాల మామిడి జాతికి చెందిన పండ్లు సందర్శకుల్ని ఆకట్టుకున్నాయి.

6/14

ప్రధానమంత్రిగా నరేంద్ర మోదీ మూడోసారి ప్రమాణస్వీకారానికి సంబంధించి శుభాకాంక్షలు తెలిపేందుకు మోదీ ముఖ చిత్రంతో శ్రీకాకుళం జిల్లా లావేరు వస్త్రపురికాలనీకి చెందిన బాసిన నాగేశ్వరరావు, లక్ష్మి కూటమి విజయనగరం ఎంపీ అభ్యర్థి కలిశెట్టి అప్పలనాయుడు సహకారంతో చేనేత వస్త్రం తయారుచేశారు.

7/14

సుప్రసిద్ధ సినీ సంగీత దర్శకుడు ఇళయరాజా జన్మదినాన్ని పురస్కరించుకుని శ్రీకాకుళం నగరానికి చెందిన చిత్రకారుడు వాడాడ రాహుల్‌ పట్నాయక్‌ నెమలి పింఛంపై గీసిన సూక్ష్మకళా చిత్రం అందరినీ ఆకట్టుకుంటోంది. మూడు గంటలపాటు శ్రమించి చిత్రం గీసినట్లు రాహుల్‌ చెబుతున్నారు.

8/14

నిజామాబాద్‌ జిల్లా ఎడపల్లి మండలం బ్రాహ్మణపల్లి గ్రామ చెరువులో శనివారం మత్స్యకారులు వేట కొనసాగించగా.. ఒకరికి 25 కిలోల చేప (బొచ్చ రకం) చిక్కింది. దీంతో చేపను చూసేందుకు స్థానికులు తరలివచ్చారు.

9/14

తెలంగాణ రాష్ట్ర ఆవిర్భావం.. పదేళ్లయిన సందర్భంగా సంగారెడ్డి జిల్లా నారాయణఖేడ్‌కు చెందిన పత్రచిత్రకారుడు గుండు శివకుమార్‌ రావి ఆకులపై తెలంగాణ తల్లి, చార్మినార్, ఇతర చిత్రాలతో పాటు అమరుల స్తూపం తదితర వాటిని మలిచారు. రాష్ట్ర ప్రజలకు శుభాకాంక్షలు తెలిపారు.

10/14

నాగులవంచకు చెందిన ఓ వ్యక్తి ఎన్టీఆర్‌ జిల్లా వత్సవాయిలో ఈ బడ్డీని కొనుగోలు చేశారు. ఖమ్మం-బోనకల్లు ప్రధాన రహదారిలో పెద్ద పరిమాణంలో ఉన్న ఓ బడ్డీని టైర్ల ఎడ్ల బండిపై ఇలా తరలించారు.

11/14

హనుమజ్జయంతి సందర్భంగా హైదరాబాద్‌లోని బజార్‌ఘాట్‌ హనుమాన్‌ ఆలయంలో భక్తి ముద్రలో ఆంజనేయుడు భక్తులకు దర్శనమిచ్చాడు.

12/14

హైదరాబాద్‌లోని యూసుఫ్‌గూడ చెక్‌పోస్ట్‌ రోడ్డులో ద్విచక్రవాహనంపై ప్రయాణిస్తుండగా.. బండి పెట్రోల్‌ ట్యాంక్‌పై నిద్రపోతున్న ఓ బుడతడు ఇలా కనిపించాడు. కాస్త ఏమరుపాటుగా ఉన్నా ప్రమాదానికి ఆస్కారం ఇచ్చినట్టే అవుతుంది.

13/14

తెలంగాణ ప్రత్యేక రాష్ట్రం ఆవిర్భావం సందర్భంగా కూకట్‌పల్లి నియోజకవర్గం పరిధిలోని ప్రభుత్వ కార్యాలయాలు విద్యుద్దీపాల వెలుగుల్లో దేదీప్యమానంగా వెలుగొందుతున్నాయి.

14/14

వైఎస్సార్‌ జిల్లా ప్రొద్దుటూరు పట్టణం రెండో బైపాస్‌ రోడ్డులో ఉన్న అభయాంజనేయస్వామి దేవాలయంలో 27 అడుగుల విగ్రహానికి లక్ష అరటి పండ్లతో అలంకరణ చేశారు. హనుమజ్జయంతి సందర్భంగా ఈ ప్రత్యేక అలంకరణ చేశామని పూజారులు తెలిపారు.

Tags :