News in images: చిత్రం చెప్పే విశేషాలు (03-06-2024)
నిత్యం మన చుట్టూ ఎన్నో సంఘటనలు జరుగుతూ ఉంటాయి. అందులోని కొన్ని ఆసక్తికరమైనవి మీకోసం..
Updated : 03 Jun 2024 11:45 IST
1/18
![నెల్లూరు పట్టణంలోని పంచాయతీ బస్టాండ్ సెంటర్లో ఆర్టీసీ పల్లె వెలుగు బస్సు ఆగిపోయింది. కండక్టర్తోపాటు బస్టాండ్లో ఉన్న ప్రయాణికులంతా కలిసి నెట్టారు. ఈ చిత్రాన్ని ‘న్యూస్టుడే’ క్లిక్ మనిపించింది.](https://assets.eenadu.net/photo_gallery/Latest/02062024chitra-varthalu/03062024ch-itrlau4.jpg)
2/18
![గిరిజనులు గుమ్మడి కాయలను ఏడాది పొడవునా వినియోగించుకునేందుకు పురుగులు పట్టకుండా ఉండటానికి చెట్లకు వేలాడదీస్తుంటారు. వారం రోజులపాటు ఎండబెట్టి విత్తనాలను వినియోగించుకుంటారు. మిగిలిన గుమ్మడిని కూర వండుకుని తింటారు.](https://assets.eenadu.net/photo_gallery/Latest/02062024chitra-varthalu/03062024ch-itrlau3.jpg)
3/18
![విశాఖ జిల్లా ఆర్కే బీచ్ తీరం పర్యటకులతో కిక్కిరిసిపోయింది. ఇసుకేస్తే రాలదన్నట్లుగా పోగైన జనాన్ని చూసి సముద్రుడు రెట్టించిన ఉత్సాహంతో అలలతో సందడి చేశాడు.](https://assets.eenadu.net/photo_gallery/Latest/02062024chitra-varthalu/03062024ch-itrlau2.jpg)
4/18
![ఐదో జాతీయ స్థాయి సర్ఫింగ్ పోటీలు అరేబియా సముద్ర తీరంలో కొనసాగుతున్నాయి. కర్ణాటక రాష్ట్రం మంగళూరు సమీపంలోని శశిత్లూ తీరం వద్ద క్రీడాకారులు అలలపై విన్యాసాలను ప్రదర్శించారు.](https://assets.eenadu.net/photo_gallery/Latest/02062024chitra-varthalu/03062024ch-itrlau1.jpg)
5/18
![చెట్లను విచ్చలవిడిగా నరుకుతున్నారు.. కానీ మొక్కలు నాటడం లేదు. ఇది ఇలాగే కొనసాగితే ప్రతీ ఒక్కరూ వీపున ఆక్సీజన్ సిలిండర్, ముక్కు మాస్క్ తగిలించుకుని తిరగాల్సి వస్తుందని ఏన్కూరుకు చెందిన కొంటు సాంబయ్య ప్రధాన రహదారిపై ప్రజలకు అవగాహన కల్పించారు.](https://assets.eenadu.net/photo_gallery/Latest/02062024chitra-varthalu/03062024ch-itrlau0.jpg)
6/18
![ఖమ్మం జిల్లా వైరాలోని స్థానిక జలాశయంలో ఇటీవల ఈత నేర్చుకున్న చిన్నారులు, విద్యార్థులతో శిక్షకులు ప్రత్యేక కార్యక్రమం నిర్వహించారు. గత రెండు నెలల్లో ఈత నేర్చుకున్న సుమారు 50 మందితో ఉల్లాసంగా ఈత కొట్టారు.](https://assets.eenadu.net/photo_gallery/Latest/02062024chitra-varthalu/03062024ch-itrlau00.jpg)
7/18
![అమరావతి: విజయవాడలోని ఎ ప్లస్ కన్వెన్షన్ సెంటర్లో ఫ్యాషన్ టెక్నాలజీ విద్యార్థులు తయారు చేసిన దుస్తులను ఆదివారం ప్రదర్శించారు. మోడళ్లు ర్యాంప్ వాక్తో ఆకట్టుకున్నారు..](https://assets.eenadu.net/photo_gallery/Latest/02062024chitra-varthalu/02062024chitra-12.jpg)
8/18
![నల్గొండ: వేసవి నేపథ్యంలో ఆహారం కోసం పక్షులు హారంగా వలస వెళ్లే దృశ్యం యాదగిరిగుట్టలో చూపరులకు ఇలా కనువిందు చేసింది. యాదగిరిగుట్ట సమీపంలోని వంగపల్లి చెరువు వద్దకు ఆ పక్షులు వెళ్లడం కనిపించింది. కష్టకాలంలోనూ కలిసి వెళ్తూ ఆలోచింపజేసింది.](https://assets.eenadu.net/photo_gallery/Latest/02062024chitra-varthalu/02062024chitra-11.jpg)
9/18
![హైదరాబాద్: తెలంగాణ రాష్ట్ర అవతరణ దినోత్సవాన్ని పురస్కరించుకొని ఆదివారం సాయంత్రం శిల్పారామంలో ఏర్పాటు చేసిన శాస్త్రీయ నృత్య ప్రదర్శనలు చూపరులను విశేషంగా ఆకట్టుకున్నాయి. భరతనాట్యం, కథక్, కూచిపూడి, ఒడిస్సీ ప్రదర్శనలు కళా ప్రియులను అలరించాయి.](https://assets.eenadu.net/photo_gallery/Latest/02062024chitra-varthalu/02062024chitra-10.jpg)
10/18
![హైదరాబాద్: ఆదివారం నారాయణగూడలోని కేఎంఐసీఎస్ కళాశాలలో సర్దార్ వల్లభ్ భాయ్ పటేల్ మెమోరియల్ ప్రాంగణంలో టాలెంటోత్సవం పేరుతో ముగింపు కార్యక్రమాన్ని నిర్వహించారు. శిక్షణ పొందిన విద్యార్థులు నృత్యం, గానం, సంప్రదాయ యోగా వంటి ప్రదర్శనలతో ప్రేక్షకులను ఆకట్టుకున్నారు.](https://assets.eenadu.net/photo_gallery/Latest/02062024chitra-varthalu/02062024chitra-09.jpg)
11/18
![అనంతపురం: ఆదివారం పుట్టపర్తి సాయికుల్వంత్ మందిరంలో బాలవికాస్ చిన్నారులు సత్యసాయి ఉపన్యాసాల ఆధారంగా ‘నవ విధ భక్తి’ నృత ప్రదర్శన చేశారు.మానవుడి హృదయమే దేవాలయమని, దైవత్వాన్ని, సేవాతత్వాన్ని అలవర్చుకోవాలనే సందేశాన్ని నృత్య రూపకం ద్వారా బాలవికాస్ చిన్నారులు తెలియజేశారు.](https://assets.eenadu.net/photo_gallery/Latest/02062024chitra-varthalu/02062024chitra-08.jpg)
12/18
![తమిళనాడు: ధర్మపురి జిల్లా హొగినేకల్ జలపాతానికి నీటిరాక అధికమైంది. ఆదివారం మూడో రోజుగా 2 వేల ఘనపుటడుగు నీరు వస్తోంది.జలపాత సందర్శనకు పర్యాటకులు వరుసకట్టారు. దోనెల షికారు చేసి ఊట్టమలై, ఐందరువి, అత్తిమరత్తుక్కడవు తదితర ప్రాంతాలను తిలకిస్తున్నారు.](https://assets.eenadu.net/photo_gallery/Latest/02062024chitra-varthalu/02062024chitra-07.jpg)
13/18
![తమిళనాడు: ప్రముఖ సంగీత దర్శకుడు ఇళయరాజా 81వ జన్మదినం సందర్భంగా ఆయన సంగీతం అందించిన వెయ్యి చిత్రాల పేర్లతో కూడిన చిత్రాన్ని పళనికి చెందిన ఉపాధ్యాయుడు అన్బుసెల్వన్ గీసి అబ్బురపరిచారు.](https://assets.eenadu.net/photo_gallery/Latest/02062024chitra-varthalu/02062024chitra-06.jpg)
14/18
![విశాఖపట్నం: అనకాపల్లి నూకాలమ్మ తల్లిని అదివారం 50 వేల గాజులతో అలంకరించారు. వైశాఖ మాసం ఏకాదశి తిథి, రేవతి నక్షత్రం పురస్కరించుకుని అమ్మవారికి ఈ అలంకరణ చేపట్టారు.](https://assets.eenadu.net/photo_gallery/Latest/02062024chitra-varthalu/02062024chitra-05.jpg)
15/18
![చిత్తూరు: తాతాయ్యగుంట గంగమ్మ ఆలయంలో ఆదివారం భక్తులతో సందడి నెలకొంది. అమ్మవారికి విశేష అలంకరణ చేశారు. గంగమ్మను భక్తులు దర్శించుకుని మొక్కులు చెల్లించారు. ఆలయ ఆవరణలో పొంగళ్లు పొంగించి నైవేద్యాలు సమర్పించారు.](https://assets.eenadu.net/photo_gallery/Latest/02062024chitra-varthalu/02062024chitra-04.jpg)
16/18
![ఆదిలాబాద్: ఎండలు మండుతున్నాయి అంటారు.. కానీ చాలామంది తమవంతుగా ఒక్క మొక్క నాటేందుకు సైతం ముందుకురారు. అలాంటిది జిల్లా కేంద్రంలోని జన్మభూమినగర్కు చెందిన ఓ నివాసితుడు. ప్రస్తుత వేసవి తీవ్రత దృష్ట్యా తన ఇంటి చుట్టూ పెంచుతున్న చెట్లకు ఎండ తగలకూడదని ప్రత్యామ్నాయ ఏర్పాట్లు చేశారు.](https://assets.eenadu.net/photo_gallery/Latest/02062024chitra-varthalu/02062024chitra-03.jpg)
17/18
![విశాఖపట్నం: ఆర్కే బీచ్ తీరం ఆదివారం పర్యాటకులతో కిక్కిరిసిపోయింది. ఇసుకేస్తే రాలదన్నట్లుగా పోగైన జనాన్ని చూసి సముద్రుడు రెట్టించిన ఉత్సాహంతో అలలతో సందడి చేశాడు. వేసవి సెలవులు ముగుస్తుండటం సాయంకాలం సాగర తీరంలో వాలిపోయిన పర్యాటకులు ఆహ్లాదంగా గడిపారు.](https://assets.eenadu.net/photo_gallery/Latest/02062024chitra-varthalu/02062024chitra-02.jpg)
18/18
![ఖమ్మం: ఇల్లెందు నుంచి కొమరారం వెళ్లే దారిలో సీతానగరం వద్ద ఓ రావిచెట్టులో తాటి వృక్షం ఇలా ఇమిడిపోయింది. చూపరులకు రావిచెట్టు మధ్య భాగం నుంచి తాటిచెట్టు ప్రస్థానం ప్రారంభమైనట్టుగా కనిపిస్తోంది. తనకే సొంతం అన్నట్టుగా తాటిని చుట్టేసిన తీరు ఆసక్తి కలిగిస్తోంది.](https://assets.eenadu.net/photo_gallery/Latest/02062024chitra-varthalu/02062024chitra-01.jpg)
Tags :
మరిన్ని
-
కార్గిల్ యుద్ధ దినోత్సవం.. రక్షణశాఖ ఆధ్వర్యంలో పరేడ్
-
అగ్నిమాపక శాఖ పాసింగ్ అవుట్ పరేడ్లో పాల్గొన్న సీఎం రేవంత్రెడ్డి
-
చిత్రం చెప్పేవిశేషాలు (26-07-2024)
-
ఎడతెరిపి లేకుండా వర్షం.. వాహనదారుల ఇబ్బందులు
-
చిత్రం చెప్పేవిశేషాలు (25-07-2024)
-
చిత్రం చెప్పేవిశేషాలు (24-07-2024)
-
కుప్పంలో భువనేశ్వరికి ఘన స్వాగతం
-
చిత్రం చెప్పేవిశేషాలు (23-07-2024)
-
ఏపీ అసెంబ్లీ సమావేశాలు ప్రారంభం
-
ఉజ్జయిని మహాకాళి బోనాలు.. స్వర్ణలత భవిష్యవాణి
-
చిత్రం చెప్పేవిశేషాలు (22-07-2024)
-
రెండో రోజు ‘కమ్మ గ్లోబల్ ఫెడరేషన్’ మహాసభ
-
సికింద్రాబాద్ ఉజ్జయిని మహాకాళి బోనాలు
-
చిత్రం చెప్పేవిశేషాలు (21-07-2024)
-
మాదాపూర్లో ‘కమ్మ గ్లోబల్ ఫెడరేషన్’ మహాసభ
-
ఘనంగా కళాశాల గ్రాడ్యుయేషన్ డే
-
‘రాజీవ్గాంధీ సివిల్స్ అభయహస్తం’ పథకం ప్రారంభం
-
ఎడతెరిపి లేకుండా వర్షం.. ప్రయాణికుల ఇబ్బందులు
-
చిత్రం చెప్పేవిశేషాలు (20-07-2024)
-
విశాఖలో భారీ వర్షం.. రహదారులు జలమయం
-
రైతుల రుణమాఫీ.. కాంగ్రెస్ శ్రేణుల సంబరాలు
-
నెల్లూరులో రెండో రోజు రొట్టెల పండుగ..
-
చిత్రం చెప్పేవిశేషాలు (18-07-2024)
-
తొలి ఏకాదశి.. ఇంద్రకీలాద్రిపై భక్తుల రద్దీ
-
నెల్లూరులో రొట్టెల పండుగ.. భారీగా తరలివచ్చిన భక్తులు
-
చిత్రం చెప్పేవిశేషాలు (17-07-2024)
-
నెల్లూరు బారాషహీద్ దర్గా వద్ద భక్తుల సందడి
-
రహదారులపై వరద నీరు.. ప్రయాణికుల అవస్థలు
-
చిత్రం చెప్పేవిశేషాలు (16-07-2024)
-
విద్యార్థి నిరుద్యోగ సమాఖ్య ఆధ్వర్యంలో నిరసన