Ts news: 31న జిల్లా స్థాయి అథ్లెటిక్స్ ఎంపిక పోటీలు

ఆదిలాబాద్ క్రీడావిభాగం: జిల్లా కేంద్రంలోని ఇందిరా ప్రియదర్శిని క్రీడా ప్రాంగణంలో జిల్లాస్థాయి అథ్లెటిక్స్ ఎంపిక పోటీలు నిర్వహించనున్నారు. ఈనెల 31న ఉదయం 8 గంటలకు పోటీలు నిర్వహించనున్నట్లు జిల్లా అథ్లెటిక్స్ సంఘం అధ్యక్ష, ప్రధాన కార్యదర్శులు అడ్డి భోజారెడ్డి, పి.రాజేష్ తెలిపారు. ఎంపిక పోటీల్లో పాల్గొనే క్రీడాకారులు రూ.50 ప్రవేశ రుసుం చెల్లించాల్సి ఉంటుందన్నారు. అండర్-8, 10, 12, 14, 16,18, 20  వయసు విభాగంలో బాల, బాలికలకు, మహిళలు, పురుషులకు వేరువేరుగా పోటీలు నిర్వహిస్తామన్నారు. జిల్లా స్థాయిలో ఎంపికైన క్రీడాకారులు జూన్ 6, 7 తేదీల్లో హనుమకొండలో నిర్వహించే రాష్ట్రస్థాయి పోటీల్లో పాల్గొంటారని వివరించారు.