మతోన్మాద శక్తుల నుంచి రాజ్యాంగాన్ని కాపాడుకోవాలి

ఎదులాపురం: భారత రాజ్యాంగం ప్రమాదంలో ఉందని, దాన్ని కాపాడుకోవాల్సిన బాధ్యత అందరిపై ఉందని సీపీఎం జిల్లా కార్యదర్శి దర్శనాల మల్లేష్ అన్నారు. శుక్రవారం జిల్లా కేంద్రంలోని సుందరయ్య భవనంలో ఏర్పాటు చేసిన వామపక్ష పార్టీల సమావేశంలో ఆయన మాట్లాడారు. ఈ విషయంపై  ప్రజల్లో  విస్తృత ప్రచారం, అవగాహన కల్పించడానికి ఈ నెల 13న పట్టణంలోని బీసీ సంక్షేమ భవన్‌లో  సదస్సు నిర్వహిస్తున్నట్లు తెలిపారు. ఈ సదస్సుకు వామపక్ష పార్టీల రాష్ట్ర నాయకులు హాజరవుతారన్నారు. భారత రాజ్యాంగం మార్చడానికి  భాజపా  కుట్ర పన్నుతుందని ఆయన ఆరోపించారు. లౌకికవాదులు, మేధావులు, ప్రజలు వామపక్షాల సదస్సుకు హాజరై విజయవంతం చేయాలని కోరారు.