స్పందించారు.. చేతిపంపు బిగించారు..!

ఓలాలో బోరుకు చేతిపంపు ఏర్పాటు చేయిస్తున్న పంచాయతీ కార్యదర్శి యోగేష్‌, కారోబారి శంకర్‌  

కుంటాల, న్యూస్‌టుడే: మండలంలోని ఓలా ప్రాథమిక పాఠశాల ప్రాంత కాలనీలో బోరుకు మోటారు బిగించారు. ఆన్‌ ఆఫ్‌ స్విచ్‌ లేకపోవడంతో నీరు వృథాగా పోతోంది. బోరు చుట్టూ నాచు పేరుకుపోయి అపరిశుభ్రత నెలకొంది. ఈ సమస్యపై శనివారం ‘ఈనాడు’లో ‘నీరు వృథా.. పరిసరాలు అపరిశ్రుభం’ శీర్షికన చిత్ర కథనం ప్రచురితమైంది. ఉన్నతాధికారుల ఆదేశాల మేరకు స్పందించిన పంచాయతీ కార్యదర్శి యోగేష్‌, కారోబారి కూస శంకర్‌ బోరు బావిలోని సింగల్‌ ఫేజ్‌ మోటారును తొలగించారు. దానికి చేతిపంపు బిగించారు. నీటి పొదుపునకు పటిష్ఠ చర్యలు చేపట్టారు. ప్రస్తుత తరుణంలో ప్రతి ఒక్కరూ నీటిని పొదుపుగా వాడుకుంటూ వృథా నివారణ చర్యలు చేపట్టాలని అవగాహన కల్పించారు.