Adilabad: కౌంటింగ్ ఏర్పాట్లపై సిబ్బందికి శిక్షణ

ఆదిలాబాద్ కలెక్టరేట్: జూన్ 4న లోక్ సభ ఎన్నికల ఓట్ల లెక్కింపు దృష్ట్యా మంగళవారం కలెక్టరేట్‌లో సిబ్బందికి శిక్షణ కార్యక్రమం ఏర్పాటు చేశారు. రిటర్నింగ్ అధికారి రాజర్షి షా లెక్కింపు ఎలా చేపట్టాలి? ఏం జాగ్రత్తలు తీసుకోవాలో అవగాహన కల్పించారు. ఉదయం 8 గంటలకు లెక్కింపు ప్రక్రియ మొదలవుతుందని, ఆరు గంటలకే సిబ్బంది కేంద్రానికి చేరుకోవాలని సూచించారు. అసెంబ్లీ స్థానాల వారీగా పోలైన ఓట్లు, పోలింగ్‌ కేంద్రాల ఆధారంగా రౌండ్లు ఉంటాయని వివరించారు. ఓట్ల లెక్కింపు రోజు విధులు నిర్వహించే సిబ్బంది అప్రమత్తంగా ఉంటూ ఎలాంటి పొరపాట్లకు తావులేకుండా చూడాలన్నారు. సహాయ రిటర్నింగ్ అధికారి ఖుష్బూ గుప్తా, అదనపు పాలనాధికారి శ్యామలదేవి, ఆర్డీవో వినోద్ తదితరులు పాల్గొన్నారు.